Ourense | A Confederación Hidrográfica do Miño-Sil (CHMS), organismo autónomo dependente do Ministerio para a Transición Ecolóxica e o Reto Demográfico, mellora a capacidade hidráulica do río Viñao ao seu paso polo municipio ourensán do Irixo.
As actuacións executadas en máis de 2,4 km de leito melloran o funcionamento natural do río, amortecendo o efecto dos procesos hidrolóxicos, aumentando a súa heteroxeneidade e grao de naturalidade.
Os traballos consistiron na retirada dos restos de madeira e árbores inclinados sobre dominio público hidráulico e zona de servidume, que provocaban taponamentos no leito.
A retirada dos acarreos e sedimentos acumulados no leito, nun tramo de aproximadamente 65 metros e no corte e retirada dos perfís metálicos que se localizaban en dominio público hidráulico.
Esta mañá o presidente da CHMS, José Antonio Quiroga, acompañado por un membro da corporación municipal, supervisaron o resultado final dos traballos nos que o Organismo de conca investiu máis de 20.000 euros.
O ano hidrolóxico 2020-21 con precipitacións similares á media histórica
A Confederación Hidrográfica do Miño-Sil fixo balance do ano hidrolóxico 2020-2021 no que, mensualmente, poden destacarse os meses de febreiro e xuño como “moi húmidos”, decembro e xaneiro como “húmidos”, novembro e agosto como “secos” e marzo e xullo como “moi secos”.
Nivel precipitacións
No ano hidrolóxico 2020/21 recentemente concluído, comezado o 01 de outubro de 2020 e terminado o 30 de setembro de 2021, a precipitación acumulada media na Demarcación Miño-Sil foi de 1.161,6 l/ m2, practicamente igual á media histórica, 1.156,3 l/ m2, categorizándose o ano 2020/21 como “normal”.
No ano hidrolóxico anterior, 2019/20, rexistrouse unha precipitación de 1.266,6 l/ m2, un 10 % por encima da media histórica e un 9 % por encima da do ano 2020/21.
Analizando estes resultados en cada un dos sistemas de explotación da Demarcación, o ano hidrolóxico 2020/21 se categoriza como “moi húmido” no sistema Limia, “húmido” o sistema Miño Baixo, “seco” o sistema Sil Inferior e “moi seco” o sistema Sil Superior; o ano foi “normal” no resto de sistemas, Miño Alto e Cabe.
Encoros
En relación cos encoros da Demarcación, pecharon o ano hidrolóxico ao 43,75 % da súa capacidade máxima, un 0,33 % menos que a semana anterior. Este volume é un 11,08 % menor que a cantidade de auga embalsada hai un ano, 54,83 %, e un 13,09 % menor que a enchida media histórica nestas datas do ano, 56,84 %.
Caudais e achegas
No relativo aos caudais circulantes ao peche do ano hidrolóxico no mes de setembro atópase de media un 23,6 % por encima da media histórica.
Analizando a achega acumulada anual na Demarcación, tomando como referencia a achega rexistrada no punto de peche de cada sistema de explotación, o ano hidrolóxico 2020/21 pode categorizarse como “húmido” en todos os sistemas da Demarcación a excepción do sistema Limia, categorizado como “normal”.
