• Segue conectado
  • |

Comezan en Salceda de Caselas as obras de instalación de cable de fibra óptica da empresa R

As obras permitirán disfrutar a mais de 4000 veciños dos servizos de internet,telefonía e televisión dixital
Salceda de Caselas | A partir do vindeiro luns van a comezar as obras de instalación de cable de fibra óptica no centro da vila, que promove a empresa R. O proxecto consta dunha rede de 4.235 m de canalización troncal soterrada, que vai a permitir por en marcha o proxecto de R en Salceda, situando a 4.000 persoas ao máis alto nivel de dotación en infraestructuras tecnolóxicas, facilitando tódolos servizos da Sociedade da Información. O proxecto conta cun investimento de 286.845€ e o prazo de execución de obras é de 4 meses.
Para a execución das obras constituise o grupo de traballo, que vai a coordinar o Alcalde Marcos Besada, Alcalde de Salceda, formado polos Concelleiros de Vías e Obras, Fortunato Álvarez e o de Tráfico e Seguridade, Jose Luis González, o equipo técnico de urbanismo municipal: e por Fernando Castro Responsable de Obras da empresa R, Alberto Dominguez Asistente Técnico de IDOM e Laura Caride asistenta técnica de ISOLUX-CORSAM, empresa adxudicataria que vai a levar a cabo a execución do proxecto de R. Entre outros acordos tomouse a decisión de comezar as obras de instalación da fibra óptica nas rúas Lagoela, Joaquín Fernández Sestelo e Vigo, e de manter reunións mensuais para analizar o desenvolvemento das obras.
Desta maneira, Salceda de Caselas entrará no grupo de cidades e municipios galegos que dispoñen de conexión directa coa rede de telecomunicacións da última xeración que R está a despregar na comunidade autónoma para que tódolos galegos poidan recibir servizos integrados. Grazas á nova e potente rede de fibra óptica que R vai instalar, rúa a rúa, os veciños de Salceda poderán realizar chamadas gratuítas entre clientes de R, e de internet de alta velocidade por fibra óptica. Ademáis o novo servizo de televisión dixital interactiva con calidade de imaxe e son dixitais por fibra óptica, emitirá máis de cen canais.
Fortunato Álvarez, Concelleiro de Vías e Obras, asegura que “é importante que os veciños e empresas da vila poidan contar cun servizo de telecomunicacións de última xeración e que ademáis sexe satisfeito por unha empresa galega comprometida có país”.
O Concelleiro de Tráfico e Seguridade, Jose Luis González fai un chamamento á cidadanía asegurando que “dende o Concello se fará “todo o necesario para realizar as obras coa maior celeridade causando a menor molestia posible para a cidadanía, para o que se articularán plans de tráfico alternativos conforme avancen as obras”.

Publicado o 6 Xuñ 2012 en Louriña, Salceda de Caselas.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies