“Colón foi o primeiro evanxelizador de América”

Presentado en Salvaterra o libro do historiador Luís Pose Regueiro

Salvaterra de Miño | A Casa do Conde foi o escenario da presentación este 16 de xuño do libro “Cristóbal Colón: primer evangelizador de América” a cargo do seu autor, Luís Pose Regueiro, historiador da Igrexa e párroco na mesma zona do Condado. O acto contou tamén coa presenza da alcaldesa Marta Valcárcel.

O libro ofrece unha perspectiva novedosa e fundamental para achegarnos á empresa de Colón dende unha perspectiva máis relixiosa que económica, política ou militar. O autor utilizou ata 150 fontes contrastando feitos históricos sobre o Descubrimento de América.

Segundo explicou o autor, a empresa de Colón “foi relixiosa dende un principio e buscaba a conversión á fe católica das poboacións indíxenas”. Sinalou que este perspectiva evanxelizadora estaba “en sintonía coa idea relixiosa da Raíña Isabel”, toda vez Colón tamén contribuíu a realizar unha ampla labor en materia antropolóxica, amosando un notable intereses polas crenzas e linguas aborixes, factor este último que impulsou posteriormente Frei Ramón Pané.

O acto da presentación contou cunha nutrida asistencia de público, interesado nas pesquisas históricas do libro e principalmente sobre o personaxe, Cristóbal Colón.

Analista de xeopolítica e relacións internacionais. Licenciado en Estudos Internacionais (Universidade Central de Venezuela, UCV), magister en Ciencia Política (Universidade Simón Bolívar, USB) e colaborador en think tanks e medios dixitais en España, EE UU e América Latina.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos