Castro Caldelas recupera as feiras de gando vacún

Os políticos fixeron campaña nesa xornada feiral

Castro Caldelas | Castro Caldelas recuperou a famosa feira de gando no recinto feiral do Toural logo de vinte e cinco anos de suspensión pola aparición da brucelose (mal das vacas tolas). A celebración quíxose retomar no ano 2020 pero a declaración de pandemia impediuno.

Este 18 de maio o recinto volveu encherse de reses, nunha xornada na que houbo moitas transaccións económicas. Participaron vendedores de Castro Caldelas, A Pobra de Trives, San Xoán de Río, Montederramo, Maceda, Parada de Sil e algún máis do sur de Lugo cun total de cen cabezas de gando vacún.

A próxima feira será o 18 de agosto e despois haberá outra no inverno, avanzaba a alcaldesa, Sara Inés Vega. “Os gandeiros tamén estaban moi contentos, todos comentaban que lle foran moi ben as vendas e que agora evitan ter que ir a Silleda ou a Santiago para comprar ou vender”, comentou. Os tratantes responderon ben, cunha participación moi alta”.

O recinto feiral volverá contar con centro de desinfección e limpeza, o que significa que os gandeiros poderán levar alí os seus camións cada vez que teñan que mover gañado. Evitarán os traslados que ata o de agora teñen que facer a Xunqueira de Espadanedo. “Era un reto moi grande para unha zona eminentemente gandeira como a nosa”, sinalou a alcaldesa.

“Non seu tempo foi unha das feiras máis importante da provincia de Ourense”, aseguraba a súa alcaldesa, cando anunciaba a súa recuperación, despois do éxito recollido non concurso exposición do pasado mes de setembro, coincidindo coa Festa dos Remedios.
Persoal autorizado traballaba non centro habilitado para desinfectar os vehículos de xeito gratuíto co galo de facilitarlle aos gandeiros ou transporte dous animais sen desprazarse da súa zona. Ao remate desta primeira feira de gando, segundo a testemuña dalgúns gandeiros, “case todos os animais remataron vendidos”, demostrando así ou dinamismo da xornada.

Esta xornada feiral foi aproveitada polos partidos políticos PSdeG-PSOE e PP para facer campaña ante as eleccións locais do día 28 de maio, departindo coa veciñanza e percorrendo os postos de venda ambulante na Praza do Prado.