“Acompañámoste a vacinar” en Mos

Campaña para a cuarta dose nas persoas maiores

Mos | O Concello de Mos pon en marcha a campaña “Acompañámoste a vacinar” dirixida aos maiores de 85 anos mosenses que a partir do venres 7 de outubro comezarán a ser vacinados da cuarta dose da vacina da COVID-19.

Mediante esta campaña ofréceselles aos beneficiarios a oportunidade de solicitar o servizo de acompañamento e transporte aos centros de vacinación. Trátase dun servizo totalmente gratuito que inclúe transporte ida e volta con recollida no domicilio e asistencia persoal.

As persoas interesadas en solicitalo poden chamar de luns a venres en horario de 09.00 horas a 14.00 horas ao teléfono 986 33 94 04.

A alcaldesa de Mos declarou sobre esta iniciativa que “desde o Concello de Mos sempre quixemos estar ao carón dos nosos maiores, antes da pandemia, moi especialmente durante os tempos máis duros da crise sanitaria, e agora queremos seguir estándoo porque o merecen, porque a eles lles debemos ser o Mos que somos hoxe; por iso queremos que sempre se sintan acompañados, e neste momento da 4ª dose da vacina da COVID tamén”.

Outros artigos