• Segue conectado
  • |

A Deputación da Coruña amplía en dous meses o período voluntario de pago do imposto de vehículos

O cargo en conta dos recibos domiciliados terá lugar o 1 de xullo

A Coruña | Tras o aprazamento dos prazos de cobro de impostos durante os meses de marzo e abril, a Deputación da Coruña vén de abrir a primeira campaña de recadación voluntaria do ano, que inclúe o imposto de vehículos de tracción mecánica (IVTM) en 79 concellos da provincia.
O período voluntario de pago comezou onte, 4 de maio, e remata o vindeiro 1 de setembro, ampliándose en case dous meses con respecto aos prazos habituais co fin de facilitar á cidadanía o cumprimento das súas obrigas tributarias.

O período voluntario da primeira campaña de recadación voluntaria, que inclúe o IVTM, abriuse onte e rematará o 1 de setembro

O envío de recibos para o pago comezará unha vez levantado o confinamento e o cargo en conta dos recibos domiciliados terá lugar o 1 de xullo.

Para calquera dúbida ou consulta, a Deputación mantén aberto o Servizo de Atención ao Contribuínte a través do teléfono gratuíto 900 132 204 e do email atencion.tributaria@dacoruna.gal, así como a Oficina Virtual Tributaria (https://www.dacoruna.gal/servizos-tributarios/oficina-virtual/) na que se poden realizar trámites, consultas e xestións as 24 horas do día, os 365 días do ano.

Tamén pode solicitarse atención presencial mediante cita previa, que deberá solicitarse por vía telefónica, por correo electrónico o una web da Deputación.

Publicado o 6 Mai 2020 en Deputación da Coruña, Economía, Portada.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies