• Segue conectado
  • |

A concellería de Educación mosense presenta as actividades para os colexios e o Instituto de xaneiro a xuño

Os centros teñen ata o día 17 deste mes para solicitalas
A concelleira de Educación e Participación Cidadá, Kely Monzón, informou hoxe das actividades ofertadas dende o Concello de Mos ós colexios e ó Instituto do municipio para os meses de xaneiro a xuño do presente ano 2012.
Dita programación, presentouse a tódolos centros, tanto ós CEIPs coma ó IES, ó pasado 9 de xaneiro; e estes contarán ata o vindeiro martes, día 17 de xaneiro, para realizar as súas solicitudes de participación.
As actividades ofertadas para os colexios mosenses son, en xaneiro e febreiro Animais: os nosos amigos e Obradoiros de Entroido, en marzo Seguridade Vial e Plan de Autoprotección, en abril Coñece a Biblioteca e Simulacro de Evacuación, en maio Sendeiro dos Muíños e en xuño Concerto Didáctico.
Mentres, para os alumnos e alumnas do IES de Mos ofértanse para os meses de xaneiro e febreiro os Obradoiros Quérote+, para marzo unha Exposición sobre Igualdade, para abril o Plan de Autoprotección, o Sendeiro dos Muíños e o Simulacro de Evacuación; para maio ruta polo Sendeiro do Río Louro e visita ó Festival de Cans, e para xuño o Concerto Didáctico.
Destas actividades educativas, todas as que sexan solicitadas por cada un dos centros mosenses, serán desenvolvidas en horario lectivo. Os beneficiarios potenciais das mesmas son os 1.819 alumnos e alumnas que suman entre os 6 colexios e o Instituto do Concello de Mos.
Sobre a proposta educativa municipal realizada para os meses de xaneiro a xuño a edil responsable, Kely Monzón, declarou esta mañá que “dende o departamento de Educación e Participación Cidadá do Concello de Mos vimos desenvolvendo, con gran éxito e altas cotas de participación, programas educativos en centros escolares cos que pretendemos atender as necesidades educativas existentes, e complementar a oferta educativa dos propios centros porque temos a convicción de que traballar polo desenvolvemento integral do alumnado é responsabilidade de toda a comunidade educativa, e con estes programas, tentamos colaborar na consecución dos obxectivos educativos establecidos pola LOE, e no desenvolvemento das competencias básicas que permitan que os nosos alumnos e alumnas sexan cidadáns responsables no futuro do noso Concello”.
Obxectivos
As actividades ofertadas para os centros educativos de Mos son variadas e atenden a diversos aspectos do desenvolvemento humano, en diferentes espazos, e empregando diversos recursos e axentes educativos, co fin de chegar ó máximo alumnado posible tendo en conta a diversidade existente nos centros.
Os obxectivos de ditas actividades son completar a oferta educativa dos centros do noso municipio, sensibilizar ao alumnado sobre as problemáticas do noso entorno, conciliar a vida laboral e familiar, fomentar bos hábitos de seguridade vial e de emerxencia, fomentar un desenvolvemento óptimo cidadá, fomentar a lectura, coñecer os espazos de uso público, promover valores de tolerancia, respeto e comprensión, coñecer os recursos naturais do noso contorno e promover o coñecemento musical.

Publicado o 13 Xan 2012 en Cultura, Louriña, Mos.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies