• Segue conectado
  • |

A Casa da Cultura de Salceda continúa incrementando o seu número de usuarios

Salceda de Caselas | Dende a súa inauguración no ano 2010, a Casa da Cultura Castelao, de Salceda de Caselas, que alberga a primeira biblioteca pública do municipio segue a recibir novas altas de socios cada mes, estando na actualidade xa na cifra de 2.228 usuarios. Coa apertura da biblioteca pechouse una vella demanda dos veciños e veciñas de Salceda, que ata entón só contaban con unha aula de lectura compartindo edificio coa Casa da Música, o que facía totalmente inviable o seu uso como tal.

En canto ás declaracións feitas polo Presidente do Partido Popular de Salceda, unha vez máis chegan tarde, pois o sistema de calefacción xa está funcionando dende hai días, quedando unicamente pendente da chegada do material unha aula do edificio. En canto ás humidades, neste último inverno prodúxose a filtración de auga por algunha das ventanas debido ás cuantiosas choivas caídas. Precisamente o mal tempo fixo imposible o total arranxo do problema, que se atallou de maneira provisional á espera do bo tempo que permita o selado definitivo das ventanas.
Teresa Pérez, Concelleira de Cultura, congratúlase da labor de fiscalización do Partido Popular, aínda que se estrana de que unha persoa que nin sequera é socia da biblioteca sexa a que manifesta os desperfectos. “Antes de proclamarse debería vir informarse da situación da mesma, pois parece que os informes que recibe están bastante desactualizados e incompletos. O señor Davila non sabe nin por onde se entra na Casa da Cultura, pois el mesmo denomina como “camiño de acceso” o que non é máis que o calexón de saída da porta de emerxencia, en ningún caso un acceso á Casa da Cultura, no cal se atopan os cadros eléctricos perfectamente valados segundo a normativa vixente”.
Dende o grupo de goberno non nos queda máis que lamentar este tipo de actuacións dos que din que pretenden facer unha oposición positiva, caendo na descalificación contínua e na crítica daqueles servizos que o Partido Popular non foi quen de ofrecer en 32 anos de goberno. A mentira é a súa constante, e volve quedar patente con este tema, no que o Partido Popular fala de moreas de queixas dos usuarios cando no rexistro do Concello non existe nin a primeira.

Publicado o 1 Feb 2014 en Cultura, Salceda de Caselas.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies