A biblioteca de Samos terá nova cuberta

Grazas a unha achega de 21.500 euros
A axuda máxima da Xunta é de 30.000 euros e non pode exceder do 90 % do orzamento total do proxecto subvencionable.

Samos | A Consellería de Cultura, Educación e Universidade destina 500.000 euros a 40 concellos de toda Galicia para a mellora e equipamento das instalacións e locais destinados a actividades de carácter cultural.

Na biblioteca municipal de Samos se está acomentendo a substitución da cuberta grazas a unha achega de 21.500 euros ao abeiro deste programa.

Dos 40 beneficiarios, unhas 23 son dirixidas ao acondicionamento e dotación de bibliotecas, e o resto a aulas multiusos e casas da cultura. O prazo para xustificar as obras remata o 15 de decembro.

A Consellería financia actuacións relativas ao equipamento e mobles de locais; a realización de obras de reforma, ampliación, modernización ou mellora de inmobles, así como a adquisición de materiais técnicos vinculados ao desenvolvemento da programación cultural do local, como equipamento escénico, audiovisual, iluminación ou son.

Tamén accións encamiñadas á mellora da accesibilidade e supresión de barreiras arquitectónicas, entre outras.

A axuda máxima é de 30.000 euros e non pode exceder do 90 % do orzamento total do proxecto subvencionable.

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Outros artigos