A Campaña Galicia sabe a Mar no CEIP Manuel Sueiro

Esta iniciativa reforza o apoio da Xunta de Galicia á promoción dos produtos pesqueiros nos municipios do interior

Ourense | A campaña ‘Galicia Sabe a Mar’ se achegou ao CEIP Manuel Sueiro da cidade de Ourense, onde Manuel Pardo, delegado da Xunta de Galicia, sinalou que esta iniciativa da Consellería do Mar reforza o apoio á promoción dos produtos pesqueiros galegos, tamén nos municipios de interior da comunidade.

Pardo explicou que esta nova campaña, cuxa primeira edición tivo lugar no 2021, ten como finalidade de fomentar o consumo de produtos pesqueiros e marisqueiros, divulgar as súas propiedades nutricionais e poñer en valor o traballo dos profesionais do sector marítimo-pesqueiro.

Engadiu o delegado que esta edición desenvólvese mediante rutas gastronómicas itinerantes que permitirán achegar á cidadanía diferentes elaboracións a base de peixes e mariscos galegos. Nesta liña, indicou que as foodtrucks poden participar en distintos tipos de eventos, como feiras, festas populares, encontros deportivos ou actividades educativas, ofrecendo degustacións e dando a coñecer a variedade e as posibilidades culinarias dos produtos do mar.

Tamén lembrou que esta acción, cofinanciada fondos europeos a través do Fondo Europeo Marítimo, de Pesca e de Acuicultura (FEMPA), realizase ao longo de 24 meses, co obxectivo de chegar tanto a maiores como á mocidade, na súa calidade de consumidores do mañá, promocionando as propiedades gastronómicas dos alimentos mariños e inculcando hábitos alimenticios saudables.

Deixa unha resposta

Este sitio usa Akismet para reducir o spam. Aprende como se procesan os datos dos teus comentarios.