• Segue conectado
  • |

Salceda presenta a primeira RPT da historia do Concello

 

Salceda de Caselas | O Equipo de Goberno do Concello de Salceda ten xa rematada a proposta de Relación de Postos de Traballo (RPT) que proximamente será presentada tanto aos representantes sindicais como aos restantes grupos políticos da corporación. O documento, que será o primeiro existente na historia do Concello de Salceda, permitirá a regularización dos diferentes postos existentes no Concello, así como a creación de novas prazas precisas para o correcto funcionamento da administración local. A RPT elimina as desigualdades existentes ata o de agora entre persoas que, desempeñando as mesmas funcións, tiñan condicións salariais moi diferentes, outorgadas a cada un deles durante os anos de Goberno do PP e herdadas polo Goberno actual. Grazas ó documento pasarán a unificar a súa situación, igualando os salarios entre persoal funcionario e laboral que desempeñe as mesmas funcións. Así mesmo, o documento servirá para recoñecer situacións especiais como a turnicidade, a xornada partida ou a penosidade.

A RPT é un documento técnico, obrigatorio por lei, que permite a ordenación do persoal dacordo coas necesidades dos servizos prestados dende o Concello, establecendo un organigrama ideal para o funcionamento do Concello.

Da prantilla actual, o 88% da mesma vería mellorada a súa situación salarial actual, mentres que o 12% restante manterían as súas condicións, máis favorables neste momento, non prevéndose a eliminación de ningunha das prazas ocupadas neste momento.

Jose Luis González, Concelleiro de Facenda: “A RPT vai supoñer un importante esforzo económico para as arcas municipais. A RPT é a única maneira de eliminar as desigualdades existentes ata o de agora e de garantir que todos e cada un dos empregados municipais teñan as condicións que lle corresponden segundo o seu traballo”.

 

A RPT é a ferramenta que permite cubrir as prazas vacantes, a través dunha oferta de emprego público que se podería realizar unha vez entrase en vigor o documento. Servirá ademais para convocar prazas obrigatorias por lei, como son a dun tesoureiro habilitado nacional e a de un oficial de policía, e para recoñecer postos de encargado/a ou coordinador/a de diferentes áreas, inexistentes ata o de agora. Contémplase tamén a creación dun posto de Técnico/a de Administración Xeral para dar apoio a Secretaría e Intervención, mellorando os prazos na tramitación de expedientes fundamentais para o Concello. A RPT é ademáis unha ferramenta básica para mellorar a eficacia, a eficiencia e a productividade da plantilla municipal.

Marcos Besada, Alcalde de Salceda: “Seguimos a regularizar e ordenar esta casa, e a RPT é unha ferramenta fundamental para poder facelo. Tódolos traballadores/as son iguais para este Goberno, e non podemos permitir que sigan existindo este tipo de desigualdades sen ningún tipo de xustificación entre eles”.

Así pois, estamos ante un documento fundamental para o Concello de Salceda que mellorará as condicións laborais e salariais, ofrecéndolles aos traballadores/as unhas garantías e unhas condicións das cales carecían ata o de agora.

Publicado o 20 Feb 2017 en Salceda.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies