• Segue conectado
  • |

Ponteareas acenderá o alumeado de nadal de xeito progresivo

Ponteareas | A concellería de Comercio, Hostalería e Turismo, que dirixe Inés Vidal agradece á cidadanía a súa colaboración e comprensión polo traslado de data do acendido das luces de nadal que nestes intres xa se están a instalar. Inés Vidal explica que ao quedar deserto o primeiro concurso, que foi de maior cuantía que en anos anteriores, obrigou a realizar unha nova licitación xa que ao contar con 30.000€ de orzamento tratábase dunha obra maior que non podía ser adxudicada directamente.
A empresa adxudicataria indicou que podería ter a parte central o día 8 pero por diferentes imprevistos non puido cumprir ese prazo.
“Entendemos o malestar do comercio pero a nosa intención é a de mellorar ano tras ano por iso este ano dedicamos máis recursos para incidir nun maior apoio”.
Vidal explica que “comparte cos comerciantes a súa preocupacion pero que o Partido Popular non está lexitimado para criticar porque durante os seus anos de goberno non realizou ningún esforzo extraordinario nin en prazos nin en inversión e apoio ao comercio”.
A concelleira adianta que a medida que o alumeado de nadal vaia estando colocado irase acendendo e agarda que o resultado final sexa do agrado de todos e que o balance final destas datas para o comercio e a hostalería sexa máis positivo ca nunca.
“Aínda queda todo o nadal por diante e agardamos que o noso esforzo por apostar máis ca nunca se reflexe nun balance final máis satifactorio”.
A pesar deste contratempo a programación específica para o nadal segue o seu curso. Animación de rúas, a pista de patinaxe de balde para os e as clientes do comercio local e actividades de lecer para toda a familia arrancaron xa a pasada semana co espectáculo circense de Troula que congregou a un grande número de público percorrendo as rúas do centro urbano.
Para facilitar que os adultos fagan as súa compras de nadal e poder gardar a sorpresa dos agasallos para os máis cativos e cativas, a concellería de Ensino en colaboración coa concelleria de Cultura ofrece Divernadal, unha proposta lúdico didáctica baixo a carpa da Praza Maior en horario de 07:00 a 20:00 horas os días 14, 15, 21, 28 e 29, días no que o comercio local estará aberto.

Publicado o 10 Dec 2018 en Axenda, Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies