• Segue conectado
  • |

A presentadora e escritora María Dolar, no “Lendo contigo” deste mes

A actividade, dirixida a nenos e nenas de 8 a 12 anos, está organizada por Espazo Lectura

O sábado 28 de xaneiro, a partir das 12:00 horas, terá lugar na Biblioteca de Gondomar a sesión mensual do Club de lectura compartida Lendo Contigo, dedicado a nenos e nenas de 8 a 12 anos, e seus pais e nais.

Nesta ocasión, o libro do que se vai falar é “O fillo do Pintamonas”, da xornalista e escritora María Solar (Tambre, 2009).

O fillo do Pintamonas é un libro de literatura infantil que vai dirixido a nenos a partir dos oito anos de idade, editado pola editorial Tambre – Ala Delta (Luis Vives). “O fillo do Pintamonas”, tamén é un libro solidario:  O 0,7% da venda deste libro destínase ao Proxecto “Mejora de la Calidad y oferta educativa del ciclo diversificado del Instituto Tecnológico Quiché de Chichicastenango (Guatemala)”, que xestiona a ONG Solidaridad, Educación, Desarrollo (SED).

Contaremos coa presenza da autora María Solar estará con nós na Biblioteca de Gondomar para charlar cos nenos e nenas que participen na actividade.

O libro
Nubelo de La é un dos Nubelos (nubes pequechas, redondas e brancas, as máis traballadoras de todas pois viaxan por diante das Nubes de Chuvia, para anunciar a chuvia cubrindo o ceo) coñecido por chegar tarde e por ser  “O fillo do Pintamonas”. O alcume víñalle de que seu pai unírase a unha Nube dos Soños (esas tan brancas que pintan debuxos no ceo para que os nenos da Terra xoguen a adiviñalos) con grande escándalo dos vellos ante esa unión antinatural, polo que o condenaron a abandonar o país dos Nubelos. Farto de que se risen del por ser diferente (retrasábase, parveaba e soñaba) decidiu levar adiante o seu plan de reunirse co seu pai no País das Nubes dos Soños. Para iso valeuse da compañía do papaventos, condenado polo Gran Nubelo a perder a cola máis longa do mundo. Antes de que lla cortaran, fuxiu con Nubelo.

A autora
María Solar naceu e vive en Santiago de Compostela. É presentadora e coordinadora do programa cultural Zigzag Diario da TVG. Licenciouse en Xornalismo e Bioloxía ademais de ser diplomada en Maxisterio e ter o título de Especialista en Información Ecolóxica e Medioambiental. A súa actividade profesional sempre se centrou no xornalismo e ten unha longa traxectoria en radio e televisión. Na Radio Galega presentou e dirixiu durante oito anos o magacine As tardes da Galega e na TVG presentou diversos programas como Ciencia nosa, En pé de festa, Que boa tarde ou Os directos da Galega, entre outros. É ademais actriz de dobraxe.

Como autora, céntrase no público infantil. Ten publicado entre outros, O Fillo do Pintamonas (Tambre), Boa Sorte (Baía), O tempo do revés (Baía), Vou ter un irmán! (Galaxia), e os libros divulgativos O libro do noso mar (Lea, 1999) e Ecoloxía na aula (Lea, 1998).

Publicado o 26 Xan 2012 en Axenda, Gondomar, Libros, Val Miñor.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies