• Segue conectado
  • |

Tomiño celebrou esta fin de semana a V Gala do Deporte cunha ducia de premios e varias mencións especiais

O piragüista Rubén Millán e a triatleta Iria Rodríguez, resultaron mellores deportistas absolutos

Tomiño | O Concello de Tomiño celebrou esta fin de semana a 5ª edición da Gala do Deporte; un acto no que se recoñeceu una ano máis, o traballo dos deportistas tomiñeses ao longo do último ano.

Roi Rodríguez e Brais Pereira, foron distinguidos, respectivamente, coma 2º e 3º mellores deportistas masculinos, e Elena Cañibano e Zaida González, 2ª e 3ª mellores deportistas femininas

Os galardóns e recoñecementos atenderon a varias categorías, que foron dende o mellor evento deportivo, á mellor deportista masculino e feminino absolutos.

Estes últimos recaeron no piragüista Rubén Millánena triatletaIria Rodríguez, respectivamente.

Roi Rodríguez e Brais Pereira, foron distinguidos, respectivamente, coma 2º e 3º mellores deportistas masculinos absolutos, e Elena Cañibano e Zaida González, 2ª e 3ª mellores deportistas femininas. (Resto de premios, no listado).

A gala, presentada por Terio Carrera, contou coa actuación de Pepo Suevos, (actor de programas e series da TVG), e dun grupo de danza contemporánea. Durante a celebración do evento distinguiuse tamén o mellor adestrador, promesas masculino e feminina, mellor equipo de fútbol, premio afán de superación, mellor equipo base, e mellor evento deportivo.

Como novidade desta quinta edición, celebrouse unha xornada multideporte para a infancia, onde nenos e nenas puideron practicar bádminton, tiro con arco, tenis de mesa, judo, petanca, no pavillón polideportivo de Goián, situado xunto ao auditorio.

Pecharon a gala os premios aos deportistas con maior proxección deportiva e o premio aos mellores deportistas masculino e feminino absolutos.

A Concellería de Deportes, que dirixe Ismael Troncoso,salientou a importante presenza de colectivos, asociacións, clubs e público en xeral, que se deron cita nesta quinta gala para render homenaxe a todas as persoas deportistas de Tomiño e especialmente ás que sobresaíron durante o último ano.

Ante un auditorio abarrotado de público, Troncosolembrou a vontade do equipo de goberno de premiar ao deporte tomiñés e por en valor o esforzo levado a cabo por clubs e deportistas da vila.

A alcaldesa, Sandra González, pola súa banda, agradeceu a labor do seu compañeiro de equipoe de todas as persoas que fan posible que o deporte de base sexa máis importante cada día.

Listaxe de premios:

MENCIONS ESPECIAIS
-Xuvenís e infantil AD Tomiño
-Tomiño Feminino de F7
-Equipo Spartan Team
-Benxamís Club de Atletismo Trega de Tomiño
-Equipo Pumuky Racing
-ÓscarÁlvarez (Rally)

PREMIO ENTIDADE QUE COLABORA CO DEPORTE
ACANOR

PREMIO A IGUALDADE NO DEPORTE
Jonathan Martínez (organizador dun evento de defensa persoal feminina)

PREMIO AFÁN DE SUPERACIÓN
San Xerome Emiliani

PREMIO MELLOR EQUIPO
Goián FC

MELLOR ENTRENADOR
Pablo Pousa e Emilio Rodríguez do Club Deportivo Miño-Os Teixugos

MELLOR EQUIPO BASE
Club Atletismo Trega de Tomiño

DEPORTISTA MASCULINO MAIOR PROXECCIÓN
Adrián Millán (Tiro con arco).

DEPORTISTA FEMININO MAIOR PROXECCIÓN
Candela Fernández (Piragüismo).

MELLOR PROMESA MASCULINO
Sergio Rodríguez Martínez (Piragüismo)

MELLOR PROMESA FEMININO
Nerea Romero González (Judo)

MELLOR DEPORTISTA MASCULINO ABSOLUTO
1.Rubén Millán(Piragüismo)
3°campeonato do mundo k4 1000
3°campeonato de Europa k4 1000m
1°campeonato España k4 1000m
1°campeonato España k4 500m
1°campeonato España k2 1000m

2. Roi Rodríguez (Piragüismo)
1º NElo Winte Challege de Portugal
1º Copa de España de Sprint Olímpico k1
1º Copa do mundo de sprint olímpico (Récord do mundo) k1

3. Brais Pereira (Judo)
Campión galego junior
Subcampión galego absoluto
Bronce sector nacional junior
Campión sector nacional absoluto
Sétimo Copa de Europa Junior A Coruña
Campión Liga Nacional Junior por clubs
Bronce liga gallega de clubes

MELLOR DEPORTISTA FEMININO ABSOLUTO
Iria Rodríguez (Triatlón)
3ª Campionato Galego Absoluto de Inverno, en natación 4×100 estilos
12ª na Copa de Europa Triatlón
2ª Copa de Europa Triatlón
1ª Campionato de España por clubs e por relevos
3ª Campionato de España de Acuatlón
47 Campionato do Mundo de Triatlón
1ª Campionato de España Triatlón por relevos

Elena Cañibano (Judo)
Subcampiona galega junior
Medalla de bronce Campionato de España junior
Sétima copa de Europa junior
Campiona galega liga por clubs
Subcampiona Copa de España junior
Campiona Copa de España junior
Campiona sector nacional absoluto

Zaida González (Ciclocross)
Gañadora da Copa de Galicia de Ciclocross
Subcampiona galega de Ciclocross
8ª Sub23 no Campionato de España de Ciclocross
11ª Sub23 no Ciclocross Internacional Chan de Xaxán
3ª no Campionato Galego de BTT-XCO

Publicado o 12 Mar 2019 en Axenda, Cultura, Portada, Tomiño, Xuventude.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies