• Segue conectado
  • |

Suspenden o Pleno en Ponteareas polas interrupcións e falta de respecto do portavoz do PP

O Pleno rematou ás 23:30 pola negativa do portavoz do PP, Salvador González Solla, a abandonar a sesión tras reiteradas interrupcións e faltar ao respecto

Ponteareas | O alcalde de Ponteareas, Xosé Represas, debeu facer uso da súa autoridade, tras os avisos pertinentes, e suspendeu o Pleno da sesión ordinaria do mes de febreiro, realizado na noite deste martes, por causa das reiteradas interrupcións, faltas á quenda de palabra e ao respecto do portavoz municipal do grupo municipal do PP, Salvador González Solla, no primeiro punto de control da acción do Goberno local, décimo segundo da orde do día, que trataba a reprobación ao Alcalde e a concelleira de Vías e Obras.

O Pleno da Corporación comezou coa aprobación das directrices sobre a consulta previa obrigatoria nos procedementos de elaboración e modificación das Normas Municipais, así coma o Plan Anual Normativo e a da Avaliación Normativa do Concello de Ponteareas. De seguido, foi recoñecida polo Pleno en acordo por unanimidade a solicitude de compatibilidade dun profesor do Conservatorio.

 

Deuse conta do Estado de Execución do Estado de Gastos e Ingresos do Orzamento referentes ao cuarto trimestre do 2016 e dos movementos de Tesourería. Tamén deuse informado á Corporación sobre a variación de membros nas Comisións Informativas.

Na parte sobre mocións, EU-Son presentou unha declaración para recoñecer a Ponteareas como Concello libre do tráfico de mulleres e nenas con fin de escravizalas. A Corporación aprobou por unanimidade o apoio contra a trata de persoas e a súa explotación.

O Goberno local, a continuación, a proposta da Concelleira de Sanidade e Promoción da Saúde, Vanesa Fernández, instou á Xnta de Galicia que esixa á xerencias dos centros hospitalarios un informe sobre os episodios de saturacións, previsións realizadas, recursos existentes, reforzo aportadoe outros estremos relativos, cuestión que tamén recibiu o respaldo unánime da Corporación.

A proposta do Partido Popular para instar á Deputación Provincial a dotar de herba sintética o campo de fútbol de o Cruceiro, San Mateo foi aprobada tamén co apoio de todo Pleno da Corporación.

No último punto das mocións o grupo municipal do PSdeG-PSOE, así como unha emenda de engadido de EU-Son, que foi aprobado co voto a favor do Goberno, EU-Son e ACiP, negándose o PP a apoialo, no que instaba ao Goberno de España que permita reinvestir o superávit en 2017 a través dunha autorización legal para esa reinvestimento que xurda da prórroga orzamentaria dos Presupostos Xerais do Estado.

Publicado o 1 Mar 2017 en Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies