• Segue conectado
  • |

Ponteareas inclúe a segunda fase do acceso a Canedo nas obras do Plan Concellos 2017

Alarmismo innecesario do PP sobre a primeira fase da obra de Canedo

 

Ponteareas | O Pleno da Corporación Municipal aprobou, cos votos en contra dos grupos municipais de PP a ACIP, a realización das obras correspondentes á segunda fase do acceso a Canedo, incluídas nas obras a realizar ao abeiro do Plan Concellos 2017 da Deputación de Pontevedra.

Os traballos, que contarán cun investimento de 100.873,54 euros, permitirán o asfaltado dende o lugar onde rematou a primeira fase ─pouco antes do Centro Asprodico─ ata o cruce da estrada que conduce á Picaraña, co que se conseguirá a mellora integral da pista troncal de Canedo.

Nesta segunda fase, traballarase sobre un treito de 618 metros lineais (e máis de 4.000 metros cadrados de superficie) e abranguerá traballos de escavacións de zanxas, subministros e canalizacións, amais de pozos de rexistro de 3 m, canaletas de formigón, limpeza de cunetas e bordes e, nalgunhas zonas, bordos prefabricados.

Por último as obras contemplan a pavimentación, drenaxe, reparación de sumidoiros e rexillas e posterior sinalización. Unha vez finalizados os traballos, veciñas e veciños contarán cunha estrada que garanta a seguridade tanto do tráfico rodado como dos peóns que, a diario, circulan pola mesma.

Alarmismo innecesario do PP sobre a primeira fase da obra de Canedo
Doutra banda, a concelleira de Vías e Obras, María Jesús Garrote, lamentou a campaña “de desinformación que está a desenvolver o Partido Popular” que o único que busca “e xerar unha situación de alarmismo, carente de todo fundamento, entre a veciñanza”, asegura a edil.

Explica a concelleira ponteareá que “o PP carece de argumentos para poñer en dúbida o procedemento seguido para a realización do primeiro tramo” xa que, engade María Jesús Garrote, con tada 23 de marzo, unha resolución da Deputación comunica ao Concello de Ponteareas a conformidade “ao proxecto modificado do investimento Mellora da seguridade viaria en Canedo por importe de 50.000 euros que substitúe ao presentado inicialmente polo mesmo importe sen que se altere o obxecto e finalidade da subvención previamente outorgada”.

Publicado o 6 Abr 2017 en Infraestructuras, Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies