• Segue conectado
  • |

O PSdeG-PSOE de Ponteareas lamenta que o PP ignore as demandas dos veciños de Moreira e Angoares

Chus Garrote “O PP está máis preocupado por elixir a un novo líder sen sospeitas de corrupción que polas necesidades de Moreira e Angoares”

Ponteareas/PSOE | Os socialistas de Ponteareas queremos amosar a nosa indignación e denunciar o desinterese e a insensibilidade total do Partido Popular polas demandas e necesidades dos veciños de Angoares e Moreira. “O PP está máis preocupado por satisfacer a Núñez Feijóo que por arranxar aos veciñas de Ponteareas” Sinala Chus Garrote.

O Partido Popular vén de absterse na votación do pleno extraordinario onde se trataron as alegacións propostas polos veciños de Angoares e Moreira ao proxecto de mellora da seguridade viaria na estrada PO-403 que ten presentado a Xunta de Galicia, o que para o PSdeG-PSOE de Ponteareas é unha mostra de deslealdade cara os veciños.

Recordar que ditas alegacións e propostas son froito das diversas xuntanzas mantidas polo goberno cos colectivos sociais afectados, chegando a percorrer a PO-403 cos veciños e veciñas de Moreira e Angoares para detectar os puntos máis críticos. A esta andaina foron invitados todos os partidos, mais o PP fixo caso omiso á invitación plantando aos veciños.

O PSdeG-PSOE de Ponteareas denuncia publicamente a actitude do PP e o seu “pasotismo político”, demostrando unha vez máis a súa insensibilidade por Ponteareas. Para os socialistas, esta é unha mostra máis de que o PP está máis preocupado por satisfacer ao goberno da Xunta de Galicia que polo benestar e a seguridade dos veciños e veciñas de Ponteareas. Chus Garrote sinala que “Salvador González Solla está máis preocupado por gañarse unha silla ao lado de Feijóo, agora que deixa o cargo, que polas necesidades de Ponteareas”.

Publicado o 6 Mar 2018 en Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies