• Segue conectado
  • |

O PP apoia a RPT e o convenio laboral pero advirte que condicións non teñen nada que ver co demandado no ano 2011

O alcalde, que tivo que facer caso ó PP e retirar o asunto do pleno extraordinario, aprobou o expediente no pleno ordinario, pero non se corrixiron todos os erros

 

Ponteareas/PP | O PP votou a favor da nova RPT e o convenio colectivo porque así llo pediron os traballadores do Concello e consideraron que era unha mellora necesaria. “Sempre estivemos a favor dos traballadores, por iso votamos a favor. Mesmo nos momentos máis duros da crise, cando o Estado retiña anualmente máis de catro millóns de euros pagamos sempre as nóminas. A pesar de que esta RPT está chea de erros, apoiámola porque seguimos sendo coherentes. Esta RPT está chea de altos cargos e non contemplamandos intermedios nin inferiores, se todos organizan e mandan non sabemos quen vai traballar. Elimínanse prazas de policía xa existentes, de oficial de cociña, achéganse outras prazas que o propio Represas ordenou eliminar en 2015…en definitiva un documento feito a medida do alcalde. Ademais inclúese un gabinete de comunicación, cando o BNG sempre criticou este tipo de perfil, cando outros partidos falaban desta necesidade. Por outra banda, os informes técnicos non se corresponden coas cantidades económicas acordadas para o Convenio Colectivo. Aínda con todo isto, votamos a favor porque cremos que é unha pequena mellora, pero non o que se esixía cando gobernaba o PP. De pedir en 2011, en plena crise, unha subida anual que supoñía un millón setenta e sete mil euros agora acaban de aceptar e aprobar unha suba de catrocentos mil euros en tres anos”, advirten os populares.

O PP advirte que hai fallos no organigrama así como nas cantidades económicas acordadas para o convenio colectivo

O PP lamenta que Represas e o seu tripartito tardasen tanto en recoñecer a valía dos traballadores do Concello aos cales durante moitos anos estiveron a perseguilos con todo tipo de descualificacións públicas. “Desde enchufados a dicir que había que botalos. Que a plantilla de persoal estaba sobredimensionada. No 2013 solicitaron o despido de máis de 50 traballadores, que esa era a solución para recuperar a economía do Concello. Todas esas manifestacións están na hemeroteca e na memoria de empregados e familias que sentironse acosados verbalmente por vostedes”.

O PP lémbralle a Represas que eles tamén redactaron unha RPT pero ao estar en minoría non conseguiron sacala adiante. “Está ben que lembre que nós fixemos un documento, unha pena que vostede non o aceptase no seu momento e non o aproveitara porque así non tería que gastarse 50.000 euros en redactar unha nova proposta feita á súa medida”.

A pesar de existir un borrador de RPT do ano 2011 consensuado cos sindicatos, Represas encargou a unha empresa externa unha nova proposta por un custo de 50.000 euros

Ademais o PP lembroulle tamén no pleno ordinario que os traballadores saben que Represas nunca apoiou aos traballadores e proba diso é a súa radical oposición ao proceso de consolidación levado a cabo para regularizar aos traballadores laborais (máis do 80% do persoal). “Conseguimos sacalo adiante a pesar de que o BNG alentou para que se denunciase este proceso, mesmo nos xulgados. En 2015, cando eles chegaron ao Goberno decidiron paralizalo. Con esta paralización a metade do persoal quedou consolidada e a outra metade non. En materia de persoal é mellor que garden silencio”.

Publicado o 17 Out 2018 en Política, Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies