• Segue conectado
  • |

Mondariz pon en marcha o programa ‘Feiras Musicais’

NDEA_Tango (1)

Mondariz | O Concello de Mondariz desenvolverá, durante algúns domingos entre maio e xuño, un programa que, baixo o nome xenérico de ‘Feiras Musicais’, busca o obxectivo final de dinamizar a feira dominical.

O domingo 1 de maio, ‘Feiras Musicais’ estreouse a ritmo de tango co trío ‘Libertanto’ que actuou na Praza de España a partir das 12:30 h. Outros domingos, músicas e músicos dos máis diferentes estilos, serán un atractivo engadido a unha feira na que, todas as semanas, danse cita centos de persoas chegadas non só dende as parroquias de Mondariz, senón de outros moitos puntos dos concellos limítrofes.

A intención do Goberno local de AporM-PSOE non é outra que ir dotando de contidos paralelos á tradicional feira dos domingos, de xeito que actúen como un elemento máis de atracción para as persoas que acoden a facer as súas compras a Mondariz.

Unha feira cada vez máis potente, sinala a tenente de alcalde Mónica Peralba, “significa, de xeito paralelo, dinamizar o comercio local e o mercado de proximidade”. Esa dinamización do mercado forma parte dun longo proceso que pouco a pouco, explica Peralba, “vai asentando poboación e senta as bases para o desenvolvemento do municipio”.

Publicado o 6 Mai 2016 en Mondariz.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies