• Segue conectado
  • |

A final do concurso MicroCatrorelatos celebrarase o vindeiro 26 de maio no Catro

MicroCatrorelatos ten a particularidade de que os textos gañadores son elixidos polo público asistente e o xurado

Microrrelatos Vigo

Algúns dos finalistas

Vigo | O mítico Café de Catro a Catro acollerá a final do concurso MicroCatrorelatos o vindeiro 26 de maio, e nela participarán os oito textos que resultaron elixidos nas catro eliminatorias previas. Deste xeito, “Desacougo azul“, de Julia Tomé; “Amores de tumba“, de Juan A. Carreira; “Bullying”, de Alejandro Vaghetti; “Dous xastres”, de Pociñas Domar; “A veciña do 5ºB”, de M. Souto; “Fada da terra”, de Sole Literata; “Nunca antes vira o mar”, de Mónica Muñoz; e “As balas de koch”, de Francisco Fernández, tentarán gañar un dos dous premios que se entregarán na final do certame.

Ademais de buscar a potenciación da creación literaria en galego, MicroCatrorelatos ten a particularidade de que os textos gañadores son elixidos polo público asistente e o xurado, que nesta convocatoria está integrado por Clara do Roxo, Amadeo Cobas, Mari Carmen Casal e Ángela Costas (gañadora do certame do pasado ano). Precisamente o premio concedido polo xurado ascende a 300 euros, mentres que o que outorga o público é de 200 euros.

Para escoller os relatos gañadores do concurso o procedemento será o mesmo que nas semifinais pasadas: así, cada persoa deberá emitir o seu voto puntuando con 3, 2 e 1 puntos os orixinais que considere máis salientables e de maior calidade literaria. O certame, que este ano cumpre a súa quinta edición, conta coa colaboración das editoriais Galaxia, Xerais, Elvira, e a asociación cultural 4 Patacos.


Xornalista. Estudou Filosofía, Traballou no departamento Prensa e Comunicación do Grupo Municipal BNG Concello de Vigo. Colabora en varios xornais galegos. Colaboradora no Concurso de Microcatrorelatos do Café De Catro a Catro.
Publicado o 16 Mai 2017 en Axenda, Vigo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies