• Segue conectado
  • |

Exposición “Manuel Rodríguez López” no Cenima de Foz

Foz | Este luns, ás 12,00, será inaugurada no Cenima (Centro de Interpretación da Mariña) de Foz, a exposición “MANUEL RODRÍGUEZ LÓPEZ, emigrante galego-poeta obreiro”, promovida por Galicia Digital e a familia do escritor, co apoio do Concello de Paradela, Deputación provincial e Xunta de Galicia.

A exposición, formada por 8 paneis dobles, reflicte a traxectoria vital e como poeta e narrador do escritor de Paradela, onde o concello o ten declarado Fillo Predilecto, a casa da Cultura chámase Manuel Rodríguez, e o Certame co seu nome chega á XXV edición.

Esta mostra, que a mediados de setembro visitará o Centro Galego de Sevilla, ten percorrido desde 2013 arredor de medio cento de localidades e cidades de Galicia, resto de España e Portugal.

Na inauguración participarán o Alcalde de Paradela, José Manuel Mato; Santiago Rodríguez, fillo, en representación da familia, e Antonio Giz, Director de Galicia Digital, e o cantautor de Becerreá residente en Barcelona, Alfredo González Vilela, interpretará cancións con letra de Manuel Rodríguez, ás que lles ten posto música e incluído no seu repertorio habitual.

Publicado o 17 Ago 2019 en Cultura, Lugo, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies