• Segue conectado
  • |

De Castelao ao mañá: unha ollada ao comic galego

Exposición de banda deseñada no Auditorio de Ponteareas

Ponteareas | De Castelao ao mañá: Unha ollada ao cómic galego, este é o título da exposición que presenta unha das facetas máis descoñecidas do autor, quen nos primeiros anos da súa produción fixo a súa achega nun campo que, hoxe máis que nunca, recibe a mirada do mundo da arte como unha forma máis de expresión. A exposición fará un percorrido polo mundo do cómic galego desde a obra e a época do autor ata os autores máis actuais.

Este xoves, 19, ás 20:00h. terá lugar no AUDITORIO MUNICIPAL de Ponteareas a inauguración da exposición DE CASTELAO AO MAÑÁ: UNHA OLLADA AO CÓMIC GALEGO que se prolongará ata o vindeiro 12 de febreiro.

A inauguración asistirán, o deputado de cultura e Normalización lingüística, Xosé Leal Fariña que estará acompañado polo alcalde de Ponteareas Xosé Represas, a concelleira de Cultura e Normaloación, Hortensia Bautista, así como os demáis membros do goberno municipal.

A exposición parte do interese do rianxeiro pola Banda deseñada e aborda a evolución da novena arte no noso país ata s actualidade. Fai un percorrido polo mundo do cómic galego dende a obra e a época do autor de Rianxo ata os autores máis actuais: Castelao, Castaño, Isaac Díaz Pardo, Xaquín Marín, Reimundo Patiño, Xesús “Chichi” Campos, Fausto, Miguelanxo Prado, Kike Benlloch, Fonso, Inacio Vilariño, Iván Suárez, José Domingo, Mar Abad, Kiko da Silva, Los Bravú (Dea Gómez e Diego Omil), Julia Huete e David Rubín.

O material consta de 42 reproducións de cómics en paneis de pvc de 50 x 40cm., máis un panel de 1,20m co título, ficha técnica e texto introdutorio. Está cedido pola DEPUTACIÓN PROVINCIAL DE PONTEVEDRA para esta exposición.

Publicado o 20 Xan 2017 en Axenda, Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies