• Segue conectado
  • |

Caballero valora a consolidación da Gran Bikedada, este domingo entre Vigo e o encoro das Eiras

NEA-bikedada

Vigo | O alcalde de Vigo, Abel Caballero, animou hoxe á participación na Gran Bikedada, unha serie de actividades en torno ao mundo do ciclismo que durante a fin de semana terá como escenario a contorna do Náutico e que rematará cunha marcha ciclista de bicicleta de montaña entre Vigo e o encoiro das Eiras, con volta a Vigo, que contará con preto de 500 participantes.

Abel Caballero felicitou ás entidades organizadoras: o Social Ciclismo Fan Manager e aos clubs ciclistas Vigués, Teis e Coruxo, entre outros e celebrou que a Gran Bikedada, que se celebra este domingo, ademais de solidaria está xa consolidada no calendario ao ser a terceira edición da mesma.

Patrocinada polo Concello de Vigo e a Deputación de Pontevedra, a proba discorre por Vigo, Redondela, Pazos de Borbén e Fornelos de Montes, cunha distancia máxima de 91,8 quilómetros (para maiores de 18 anos) e unha mínima de 42,2 (maiores de 14).

Segundo explicou Pepe Xagarós dende a organización, “este é un evento que impón carácter no que cada un pódese marcar un reto nun percorrido que é un balcón sobre a ría”.

Álvaro Pino, un dos exciclistas asistentes á rolda de prensa (tamén acudiron Ezequiel Mosquera e Ramón Troncoso), agradeceu o “trato municipal ao ciclismo polo arraigo especial do alcalde” e asegurou que “o circuíto non é doado, especialmente polo tempo, pero os especialistas en montaña van gozalo máis que os ciclistas de ruta”.

A Gran Bikedada conlevará tamén unha charla sobre ciclismo este sábado, probas para nenos (gymkana) e ata unha ruta guiada a pé para que os acompañantes dos ciclistas inscritos poidan coñecer Vigo mentres se desenvolve a proba non competitiva.

A Gran Bikedada tamén ten un fin benéfico, en favor do proxecto humanitario Rede Concordia, que SCFM xestiona para a localidade do Progreso (Guatemala).

Publicado o 12 Feb 2016 en Axenda, Vigo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies