• Segue conectado
  • |

Boaventura de Sousa, Anna Gabriel e Quim Arrufat en Compostela con Anova

NEA-Acto de ANovaCompostela – ANova | O domingo 21 de febreiro visítanos o sociólogo luso Boaventura de Sousa Santos, os membros das CUP Anna Gabriel e Quim Arrufat para reflexionar sobre o percorrido dos movementos sociais planetarios nos últimos 15 anos e a súa influencia na conxuntura actual.

Unidade Popular, movementos sociais, confluencia e quebra democrática.
Hai 15 anos nacía en Porto Alegre o Foro Social Mundial, proceso planetario que foi quen de levar ás primeiras planas as miserias do neoliberalismo da man dos movementos sociais, especialmente do Sur, en contraposición á infracultura de Davos. Ao tempo, xurdiron no cono Sur diversos gobernos antihexemónicos e antiimperalistas que serviron de espello a moito do que anos despois, coa incidencia da crise, inspirou aos movementos sociais europeos e as súas traducións actuais no plano institucional. Tres lustros despois as cousas mudaron, pero o espírito, con diferentes expresións no político e no social, segue inmutábel. Os de abaixo discuten xa abertamente o poder e o relato da hexemonía aos de arriba. Moitos destes procesos foron vividos en primeira persoa polos nosos protagonistas.

Data: 21 de febreiro, 12.00 horas.

Lugar: Local de Compostela Aberta, na Praza do Toural, S/N. Compostela

Participan: Xosé Manuel Beiras, voceiro de Anova-Irmandade Nacionalista
Boaventura da Sousa Santos, Catedrático de Socioloxía pola Universidade de Coimbra e profesor de Dereito na Universidade de Wisconsin-Madison (EUA)
Anna Gabriel, parlamentaria das CUP
Quim Arrufat, membro das CUP
Antón Sánchez, coordinador de Anova-Irmandade Nacionalista
Presenta e modera: Alexandra Fernández, voceira de En Marea

Organiza: Anova-Irmandade Nacionalista

Publicado o 18 Feb 2016 en Axenda, Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies