Diario Público | O efecto Yolanda Díaz empeza a notarse no estranxeiro. Tralo acto de presentación do seu proxecto Sumar este 2 de abril en Madrid, no que afirmou con rotundidade que o seu obxectivo é converterse en “a primeira presidenta de España”, a súa figura captou o interese de varios medios estranxeiros, entre eles o diario Libération ou o sempre máis solemne e conservador The Financial Times.
O diario francés Liberátion dedicou un artigo á actual ministra de Traballo na que a cualifica de “a nova musa da esquerda”. No artigo chégalla a comparar con Barack Obama e o seu “Yes, We Can”, “toda vestida de branco, co seu sorriso carismático”. O xornal francés, de tendencia marcadamente progresistas, tamén se fai eco do “ambiente eléctrico” que reinaba no pavillón Antonio Magariños de Madrid e dos “aplausos enxordecedores” que ecoaron ao longo do discurso de Díaz. De feito, Libération asegura que Yolanda Díaz converteuse “nunha figura primordial” da esquerda.
Tamén se fixou en Yolanda Díaz outro xornal, The Financial Times. Co titular “Como España afrontou o problema do traballo precario”, o diario económico céntrase na reforma laboral de Yolanda Díaz e destaca os seus esforzos por facer fronte ao traballo precario e recuperar parte dos dereitos dos traballadores. The Financial Times asegura que o impacto da reforma laboral foi “extremadamente positivo”. Os afagos a Yolanda Díaz chegan nun momento no que as súas diferenzas con Podemos parecen máis insalvables que nunca. Coincide tamén cun momento no que está en risco a unidade da esquerda en España.
Nese papel de musa que lle atribúe Libération, é certo que Yolanda Díaz logrou aglutinar a unha ampla maioría de formacións e colectivos á esquerda do PSOE (os comuns, Esquerda Unida, Máis País, Máis Madrid, Compromís, Alianza Verde ou Equo, entre outros), pero a ausencia –por agora– de Podemos (a principal forza deste espectro ideolóxico) pon interdito, precisamente, ese papel de musa da esquerda, ou polo menos de toda a esquerda, onde se mira con preocupación as consecuencias que o impulso de Yolanda Díaz como candidata para as eleccións xerais poida ter para as eleccións municipais do 28M.
