Monforte de Lemos | Na denominación de orixe Ribeira Sacra, a data do 21 de setembro, recolléronse 3.060.168 quilos de uva, cun total de 61 adegas activas, 21 finalizadas e 11 pendentes de iniciar o proceso, segundo datos do Consello Regulador.
En canto a variedades, contabilízanse 2.166.077 quilos de uvas tintas, principalmente Mencía (2.005969 kg), xunto con Merenzao, Garnacha e Brancellao. As uvas brancas acadan os 894.091 quilos, con predominio de Godello (776.018 kg), seguidas de Treixadura, Albariño, Branco Lexitimo e Dona Branca.
Consciente da importancia da vendima no desenvolvemento vitivinícola e económico da Ribeira Sacra, o Consello Regulador mantén o seu compromiso coa transparencia. Por iso, durante todo o período de vendima comunicará semanalmente a evolución da campaña.