• Segue conectado
  • |

Proxecto de distribución de Gas Natural en Salceda.

O Concello autoriza o gaseoducto de Gas Natural Salceda-Salvaterra cun investimento de 1.443.583 €.

O Concello de Salceda ven de autorizar ás empresas Gas Natural e Gas Galicia SDG. O proxecto de gaseoducto denominado “Ramal MOP=16 bar Salceda de Caselas-Salvaterra de Miño”, que consiste na canalización cunha lonxitude de 8.430 m, dende o punto de entrega e medida de gas natural conectado ao colector Porriño-Tui situada nunha parcela municipal na Rega da Lama (Budiño), cunha superficie de 90m2 que foi arrendada, segundo acordo plenario, por parte do Concello a Gas Natural. O investimento total do proxecto ascende a 1.443.583 €.

O ramal a executar ten comezo no colector Porriño-Tui sito no Alto do Cerquido e atravesará os lugares de Rega da Lama, Becerreira, Barral e Eido Vello (San Estevo de Budiño), Revolta e Pedrabuxiña (Parderrubias), Pedracarballa e Torrón (Entenza), ata o límite municipal com Salvaterra onde terá continuidade pola parroquia de Cabreira.

A construcción deste ramal vai posibilitar, a través dun punto de entrega previsto en Pedracarballa, do proxecto de distribución e suministro de gas natural á vila da Esfarrapada, froito da resolución do 25 de Marzo do 2008 da Dirección Xeral de Industria, Enerxía e Minas que otorgou a Gas Galicia a autorización da rede de distribución de gas natural no termo municipal. Gas Galicia SDG xa presentou o proxecto de distribución que será aprobado nas próximas semanas para a súa execución nos vindeiros meses, co obxectivo de que no ano 2013 o centro da vila conte con servizo de gas natural. A rede de distribución polas rúas da vila suman 6.481 m cun orzamento de execución de 266.033€.

Este proxecto conta coas autorizacións e informes favorables da Dirección Xeral de Industria, Enerxía e Minas, que aprobou o Proxecto de execución e recoñeceu a utilidade pública deste gaseoducto de distribución de Gas Natural, da Secretaría Xeral de Avaliación Ambiental que aprobou o estudo de impacto ambiental, de ADIF no paso do PK ferroviario 144/100 da liña Monforte-Vigo, da Deputación Provincial na zona de afectación da estrada provincial, da Consellaría de Medio Ambiente (Cruce da estrada PO-411 en Revolta), da Confederación Hidrográfica Miño-Sil pola zona de afectación de varios regatos, e da Consellaría de Cultura e Patrimonio, polo que se impoñen unha serie de condicións de estudo arqueolóxico previo polos elementos protexidos por onde discorre (Castro de Eido Vello, Caldeiriñas e Carreiros).

O Concello obterá, a través de taxas e licencias, 33.341€ de ingresos, importante para ás arcas municipais neste periodo de crise económica. Por outra banda as Comunidades de Montes de Entenza e Parderrubias negociaron compensacións económicas polos tramos de monte comunal que atravesarán as canalizacións .

Fortunato Álvarez, Concelleiro de Vías e Obras agradece “aos servizos técnicos municipais de urbanismo polo intenso traballo, en coordinación cos técnicos de Gas Natural, para levar a cabo a tramitación deste proxecto fundamental para o futuro de Salceda e da comarca, xa que este gaseoducto vai a conectar tamén á vila de Salvatera e o Porto Seco”.

Marcos Besada, Alcalde de Salceda asegura que “grazas ao traballo e xestións realizadas por parte do Goberno Municipal, Salceda vai a ter nos próximos meses abastecemento de Gas Natural, que vai a dar a posibilidade de beneficiarse a máis de 4.000 habitantes, con garantías de libre competencia na contratación do distribuidor dunha fonte enerxética, como é o gas natural, que é a enerxía que produce menos emisións dentro das denominadas enerxías fósiles”.

Publicado o 1 Feb 2012 en Louriña, Política, Salceda de Caselas.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies