Ponteareas | O goberno municipal aprobou no pleno ordinario de febreiro a adxudicación do novo contrato do servizo de limpeza viaria, recollida de residuos sólidos urbanos e xestión do punto limpo. O concelleiro responsable do contrato, Jesús Cao, explica que o novo servizo terá unha duración de dez anos e un orzamento anual de 2.352.854,73 € e implica unha renovación baseada na tecnoloxía, equipamentos e recursos humanos.
Así se incorporan cinco camións de recollida e para a poda domiciliaria; instalaranse 1.937 contedores de todas as fraccións e 1.300 composteiros individuais; nas parroquias crearanse 30 illas de reciclaxe e incorporaranse 400 novos contedores amarelos de envases así como unha brigada permanente de limpeza co foco nas festas e áreas recreativas como A Freixa, San Roque e Ponte das Partidas. Tamén se implantarán dez novos puntos estratéxicos de recollida rápida en todas as fraccións de luns a domingo en zonas de moita afluencia do centro urbano.
PSOE denuncia “irregularidades” no contrato
O Grupo Municipal Socialista votou en contra da aprobación en pleno municipal do contrato de recollida de lixo, limpeza viaria e xestión do punto limpo ao considerar que o procedemento “naceu viciado, pre-senta graves irregularidades e pon en risco os intereses da veciñanza de Ponteareas”.
O PSOE indicou que o Eixo Atlántico, entidade independente que vi-ña asesorando ao Concello, rompeu a colaboración en decembro de 2023 co goberno de Nava Castro tras advertir que unha persoa da empresa FCC —a mesma que xestionaba o servizo e que podía con-correr á licitación— participara en reunións técnicas clave, o que pode supoñer “información privilexiada” para esa empresa que finalmente se presentou en solitario á convocatoria. Tamén denunciou que o go-berno municipal substituíu “a dedo” ao Eixo Atlántico pola consultora GEPRECON S.L., incluso tentando pasar como municipal un informe técnico desa empresa.