O Porriño | No marco da campaña “8M, 365 días”, o Concello do Porriño continúa a súa aposta pola concienciación en igualdade desde as idades máis temperás.
Hoxe o Alcalde, Alejandro Lorenzo, visitou varios centros educativos do municipio para coñecer de preto o desenvolvemento da iniciativa “Banco da Igualdade”, posta en marcha pola Concellería de Igualdade e Educación en colaboración coa OMIX.
Cada centro participante recibiu un banco de madeira pintado de cor púrpura, que está sendo decorado polo propio alumnado con frases inspiradoras relacionadas coa igualdade, o respecto, a tolerancia e o empoderamento feminino.
A actividade busca fomentar o pensamento crítico, o uso da lingua galega e a creatividade, ao tempo que transmite valores fundamentais para a convivencia.