Vigo | O Centro Português de Vigo celebrou o pasado 10 de xuño o Día de Portugal deitando unha coroa de louros no busto do poeta Luís de Camões na Praza de Portugal de Vigo.
No acto estiveron presentes a vereadora de Turismo do Concello de Vigo, María Lago; a delegada da Xunta de Galicia en Vigo, Ana Ortiz, os representantes do Movemento Cultural Nós, a Xente do Redor, e o director do Centro Português de Vigo, Bernardino Crego Cervantes.
Os actos tamén incluíron a misa polos socios defuntos na Igrexa dos Capuchinos, a presentación do libro infantil “Uma conversa sobre Abril” da escritora Graça Foles Amiguinho, poesía e arte con Rui Barros, Teresa Melo e Flor Yaleo cos sonetos de Camões e a música de Olga Bessa e o grupo Músicanto.