• Segue conectado
  • |

EU de Ponteareas e o Porriño traballarán conxuntamente sobre o problema do Lindano

Tanto EU de O Porriño como EU de Ponteareas pedirán explicacións aos seus respectivos rexedores municipais para que se aclare o tema.

lindano

Ponteareas/EU | De confirmarse a noticia do traslado do lindano atopado nas parroquias do Contrasto e Pereira no Concello de O Porriño a unha canteira na parroquia de Xinzo en Ponteareas, aparecida nos medios recentemente, as dúas agrupacións locais de ESQUERDA UNIDA esixirán que se proceda á inmediata retirada e á descontaminación da zona.

ESQUERDA UNIDA de O Porriño leva tempo denunciando a existencia de depósitos de lindano no seu concello e que se proceda a descontaminación do chan afectado. Estamos ante un problema ambiental e de saúde pública que se debe tratar retirando estes residuos a depósitos adecuados e descontaminando a zona afectada. Para ESQUERDA UNIDA non é lóxico que se trate o problema estendéndoo a outro concello en lugar de tratalo adecuadamente.

Tanto EU de O Porriño como EU de Ponteareas pedirán explicacións aos seus respectivos rexedores municipais para que se aclare o tema. O feito é que, tanto no caso de que o Concello de O Porriño non informara ao Concello de Ponteareas do traslado destes residuos, como no caso contrario, é dicir, que o Concello de O Porriño informara a Ponteareas e este o aceptara, estaríamos ante unha situación de grave irresponsabilidade por parte dos rexedores municipais.

Dende que no 2008 o lindano foi considerado “sustancia perigosa prioritaria”a súa manipulación, traslado e depósito deben ser feitos seguindo un protocolo que obrigan a un estudio previo para análises das terras, a súa teorización e remedio. A única forma neste momento para remediar os solos contaminados é retirando o lindano, pero sempre cun estudo previo e sempre para ser depositado en lugares dispostos para este fin. O que nunca pode facerse é retiralo sen máis e depositalo, aínda que sexa de xeito provisional, nunha canteira. Se isto se fixo así, estariamos ante unha irregularidade cometida polas administracións implicadas.

Os concellos teñen o deber de protexer a saúde dos seus veciños e veciñas e de tomar as primeiras medidas para que non se poña en risco. A lexislación sobre o lindano hoxe en día é clara e a obriga de todas as administracións é coñecela e cumprila.

Esixiremos, pois, explicacións aos respectivos concellos e á Consellería de Medio Ambiente.

Publicado o 20 Xan 2018 en Medio Ambiente, O Porriño, Ponteareas, Portada.
AVISO: Esta entrada ten máis de seis meses dende a súa publicación. É posible que o contido esté desactualizado.
Síguenos na nosa canle en TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies