En setembro, Tui e Valença moveranse en clave xudía

Coas Xornadas Europeas da Cultura Xudía

Tui | Ao longo do mes de setembro as cidades de Tui e de Valença desenvolverán unha ampla programación con motivo da celebración das “Xornadas Europeas da Cultura Xudía” que un ano mais realiza conxuntamente a Eurocidade para mostrar e valorizar o patrimonio xudeu que conservan ambas cidades e enriquece o seu acervo cultural.

A cidade de Tui forma parte, dende o ano 2019, da Red de Juderías de España – Caminos de Sefarad, integradas por 21 cidades españolas que traballan conxuntamente na promoción do seu patrimonio cultural. A presenza de Tui nesta rede cooperativa posiciona á nosa cidade no ámbito cultural e turístico.

A celebración anual en toda Europa, no mes de setembro, destas Xornadas é unha oportunidade para a difusión deste legado patrimonial, neste ano o lema elixido para estas Xornadas é “Diálogo” e propón difundir e promover narrativas positivas que resalten a contribución do xudeus europeos a unha Europa máis plural e integradora.

“A celebración anual en toda Europa, no mes de setembro, destas Xornadas é unha oportunidade para a difusión deste legado patrimonial”

Sobre esta temática desenvólvese o programa preparado polas cidades de Tui e Valença, nunha colaboración iniciada no pasado ano e que abre unha nova vía de colaboración entre ambos municipios e promove un achegamento á colaboración iniciada coa Rede de Judarías de Portugal.

No programa cómpre salientar:
As “Xornadas Gastronómicas sefardís: bacallau”, que recollen a oferta gastronómica de ata 21 restaurantes tudenses que ofrecen diversos pratos arredor deste peixe vinculado á gastronomía sefardí.

Alboio: bacallau en empanada,
Ideas peregrinas: tosta con bacallau,
Parador de Tui: bacallau con broa
Jaqueyvi: á brasa,
Tapas e viños: ensalada con bacallau,
La de José Luís: á brasa,
El Molino: á portuguesa e tamén empanada,
Puro sabor: ó forno e empanada
Novo Cabalo Furado: á prancha, á galega, ó forno, boliños e tamén empanada,
Vello Cabalo Furado: á portuguesa, empanada e boliños,
Santiamén: asado con cebola,
Pote: ensalada de bacallau e á galega,
Happy Restaurant: lascas de bacallau, empanada,
Monte Aloia: empanada de bacallau e bacallau á brasa e ao forno,
Cruceiro do Monte: á portuguesa.
Asador Paulo: bacallau á brasa e bacallau á xuliña
Pirsin: empanadillas de bacallau
Vionkas Bake: empanadilla de bacallau
La de Manu: bacallau
Epoca: bacallau á prancha e ao estilo Epoca

Ao longo de todo o mes estará operativo o xogo unha actividade participativa e gratuíta, “Busca la llave del Diálogo / Busca a chave do diálogo”. Mediante un xogo, os visitantes terán que desprazarse consecutivamente a tres puntos da xudaría e completar unhas actividades que lle dará a posibilidade de recibir a “chave de Sefarad” na Oficina de Turismo e participar en diversos sorteos: https://redjuderias.org/juega

“Unhas das principais actividades destas Xornadas é a celebración do ‘Taller gastronómico Sabores de Sefarad’ a cargo do chef especializado en gastronomía sefardí, Javier Zafra”

Unhas das principais actividades destas Xornadas é a celebración do “Taller gastronómico Sabores de Sefarad” a cargo do chef especializado en gastronomía sefardí, Javier Zafra, que estará en Tui o luns 13 de setembro para desenvolver esta actividade dirixida aos profesionais da hostalaría e restauración tudense.

O venres 3 comezará a emisión dun vídeo divulgativo do patrimonio xudeu de Valença e Tui a través das redes sociais e da canle de Youtube dos municipios de Tui e Valença.

En Valença proxectarase un filme documental sobre “Aristides de Sousa Mendes – O Cônsul de Bordéus”, un diplomático portugués que salvou a milleiros de xudeus na II Guerra Mundial. Na Loja de Turismo de Valença o 4, 5, 11 e 12 de setembro.

Unha actividade clásica destas xornadas son as visitas ao patrimonio xudeu e cripto-xudeu en ambas localidades. En Valença o 4, 5, 11 e 12 de setembro. Namentres que en Tui serán o 11, 12 e 18 de setembro en horario de mañá (12,00 horas) e polas tardes á colección de Sambenitos (19,00 horas).

A música tamén estará presente cun concerto titulado “Música de Sefarad” a cargo de Paco Diéz, músico de alongada traxectoria na recuperación de música tradicional e nomeadamente nas tradición xudáicas.

Este ano no Festival Internacional de Documentais, Play-Doc, que se celebrará na nosa cidade entre o 22 e 26 de setembro se contará cun ciclo retrospectivo de Manfred Kirchheimer coa proxección da película We Were So Beloved – Éramos tan amados (1986) sobre os sobrevivintes xudeus do Holocausto que viven en Washington Heights, Manhattan en Nueva York, etc.

Para o concelleiro de Patrimonio, Turismo e Camiño de Santiago, Laureano Alonso, este amplo programa de actividades arredor do patrimonio xudeu e cripto-xudeu da nosa cidade é una excelente oportunidade para poñer en valor os recursos patrimoniais de Tui e o seu aproveitamento turístico.

Estas xornadas teñen como obxectivo mostrar ao público a diversidade e a riqueza do patrimonio cultural xudeu como parte integrante do patrimonio cultural europeo, que na Eurocidade Tui – Valença atopa unha expresión singular de cooperación e traballo conxunto.

Tui na Semana Verde de Galicia
O Concello de Tui conta cun stand propio na LXIII edición da Semana Verde de Galicia que se inaugura hoxe no recinto feiral de Silleda. Este certame multisectorial contará coa presenza directa de 389 empresas e institucións procedentes de seis países.

O amplo programa abrangue tamén certames paralelos e ata 130 actividades programadas para estes tres días de feira.

O Concello de Tui participa cun stand propio neste certame que nesta edición pretende superar a crise derivada da pandemia da Covid. A presenza tudense servirá para difundir os importantes recursos patrimoniais, naturais e turísticos do noso territorio con especial relevancia para a condición de Tui como porta de entrada dos Camiños Portugueses en Galicia.

“O Concello de Tui participa cun stand propio neste certame que nesta edición pretende superar a crise derivada da pandemia da Covid”

O concelleiro de Patrimonio, Turismo e Camiño de Santiago, presente esta mañá no recinto feiral da Semana Verde de Galicia, valorou moi positivamente a presenza do noso concello nesta feira que reunirá de novo a milleiros de visitantes e onde se presentará a oferta turística da nosa cidade e o seu municipio.

Laureano Alonso salientou que accións como esta presenza na Semana Verde intégranse no labor diario de promoción turística que se realiza dende o Concello co obxectivo de consolidar e incrementar o número de turistas e visitantes que se achegan ata Tui. Nestes meses de verán visitaron Tui un gran número de turistas coa importante repercusión socio-económica que iso implica.

Outros artigos