De éxito en éxito, ata o fracaso final!

Por Dr. Xosé M.ª Dios Diz

“Non fracasei, encontrei 10.000 solucións que non funcionan”
Thomas Alva Edison, inventor e empresario estadounidense. 1847-1931.

Nos últimos días estamos asistindo a un cúmulo de despropósitos por parte do SERGAS, que teñen a súa culminación en dúas sentencias do TSXG que poñen en cuestión a política de Feijóo e Rueda e indícanos claramente que ou se cambia de rumbo ou o desmantelamento da AP é irreversible.

O TSXG condea a Xunta por “vulnerar dereitos do persoal médico en AP e Pediatría por non respectar a normativa vixente para garantir a integridade pública e a saúde da/os profesionais”. O sindicato O´Mega, presentou a demanda, para denunciar “a desproporcionada carga de traballo a que o SERGAS somete a/os seus traballadora/os”.

A vez, o TSXG, “anula e deixa sen efecto, a instrucción do SERGAS que permitía renovar receitas a/os farmacéutica/os” e “condea a Xunta a aboar as costas o Consello Galego de Colexios Médicos”.

Está claro que a política sanitaria pasa por “ocorrencias” que dende logo non tratan de mellorar a asistencia senón que van de “éxito en éxito ata o fracaso final”, que será o empeoramento do Sistema Sanitario Público de forma irreversible, por culpa do PP!

A política de “fuxida cara adiante”, sen pes nin cabeza, é unha estratexia para desmantelar un Sistema Sanitario que cada día está máis precarizado e respondendo ás demandas da poboación grazas o voluntarismo da/os profesionais para poder dar unha asistencia exclusívamente clínica, sin poder facer labor de prevención, promoción da saúde, investigación, formación e nada que non teña que ver ca asistencia directa a demanda de cada día.

“A política de ‘fuxida cara adiante’, sen pes nin cabeza, é unha estratexia para desmantelar un Sistema Sanitario que cada día está máis precarizado”

Con consultas de 40-50 doentes diarios de forma continuada, é moi difícil xestionar con boa praxe a demanda de cada día. Compañeira/os que están como Médica/o ou Pediatra substituta/os, que hoxe están aquí e mañá acolá, que traballan por horas cando van estar días, por días cando van estar semáns, semáns cando a baixa é de larga duración…a atención de calidade que se necesita é moi difícil de facer.

Ademáis, o salario base dun Médico do SERGAS, é de 1.256 euros, que si non fose polos complementos, non se chegaría a unha remuneración acorde co tempo e o esforzo que se precisa para poder traballar no sistema. Teñen que aprobar o MIR, sistema de calidade máxima, recoñecido en todolos países do noso entorno.

Estes sistemas sanitarios alleos, só teñen que poñer un/ha traductor/a durante 6 meses, e xa teñen un/ha profesional de primeirísimo nivel…e sin gastar un euro! Sabemos que formar un Médica/o, costa 300.000 euros e non recibimos os frutos desa inversión, que sí os reciben, lugares que prestixian a profesión, dan un salario digno e unha estabilidade, e iso, facilita que se lles incorporen profesionais, sin ningún esforzo económico.

As listas de agarda son o principal motivo de queixa da/os doentes. Están a aumentar día a día, por moito que o Conselleiro de Sanidade repita a mentira e quera maquillala: non incorporan a lista de agarda non estructural de doentes que están no limbo de: “ya los llamaremos”. 360.000 persoas están en lista de agarda na Galiza: é o 13% da poboación galega!

Galiza é a cuarta comunidade do Estado onde menos se inviste en sanidade por habitante. O gasto fica en 1.691 euros ao ano por persoa, o que supón 37 e. por baixo da media estatal (1.728 ), segundo os últimos datos da Autoridade Independente de Responsabilidade Fiscal… e 321 e. menos que Euskadi!

“Galiza é a cuarta comunidade do Estado onde menos se inviste en sanidade por habitante”

Profesionais sanitarios están dimitindo, outra/os están non prorrogando o seu traballo o chegar á xubilación, os Colexios Médica/os manifestan o seu malestar, as organizacións científicas e profesionais non ven reflectidas as súas reivindicacións, Sindicatos e Partidos Políticos o expresan e Plataformas Sanitarias maniféstanse día sí e día tamén.

Que máis ten que pasar para que cambie a política sanitaria na Galiza? O 12 de febreiro do 2023 dirémosllo na rúas de Compostela, de novo!

Dr. Xosé M.ª Dios Diz. Médico especialista de AP de Outes.

Dr. en Medicina. Máster en Xeriatría. Licenciado en Medicina Xeriátrica. Médico especialista de Atención Primaria de Outes. Plataforma SOS Sanidade Pública.