Ourense | A Agrupación Municipal do PSdeG-PSOE de Ourense organizou un encontro aberto á cidadanía dentro do ciclo ‘Conversas na Casa do Pobo’ para abordar a auxe dos dos discursos de extrema dereita nas redes sociais e entre a xuventude da man de Lucía de Castro, politóloga especializada en Seguridade Internacional e portavoz dos e das socialistas de León.
A experta con amplo currículo incidiu na necesidade de comunicar dun xeito máis próximo para combater dende a esquerda as mensaxes de odio e violencia de xénero aínda que os algoritmos estean pensados para fomentar as políticas de dereita e fomentar o odio e as mentiras.
Acompañárona durante a súa intervención a secretaria xeral do partido en Ourense, Natalia González; o secretario de XSO, Miguel Gómez; e o secretario provincial do PSdeG, Álvaro Vila.