Arbo | O Concello de Arbo presentou oficialmente o cartaz anunciador da LXVI edición da Festa da Lamprea, baixo o lema “Unha homenaxe ás Mulleres”. O cartaz foi obra do deseñador murciano Rubén Lucas e representa as principais sinais de identidade do municipio: a lamprea, o viño, as redes das pesqueiras, o río Miño, a Ponte Románica de Mourentán, todos eles integrados e vencellados ao rostro dunha muller. O xurado estivo composto por distintas personalidades dos ámbitos cultural, social, das adegas e hostalería arbenses.
Por outra banda, o Concello anunciou a convocatoria do XIII Certame de Carteis “Brais Alonso”, co obxectivo de seleccionar a imaxe oficial da XXXI Festa da Lamprea Seca, que se celebrará os días 7, 8 e 9 de agosto de 2026. Os premios están valorados en: primeiro premio: 500€; segundo premio: 300€; terceiro premio: 200€. O prazo de presentación dos traballos finalizará o 2 de marzo de 2026.