Tui | A Catedral de Tui deu comezo este 30 de novembro á conmemoración do seu 800 aniversario coa apertura do Ano Xubilar e a celebración dunha eucaristía presidida polo arcebispo de Santiago de Compostela, monseñor Francisco José Prieto, e concelebrada polo bispo da Diocese de Tui-Vigo, Antonio Valín, o bispo emérito, Luis Quinteiro, e o arcebispo de Braga, José Manuel García.
O alcalde de Tui, Enrique Cabaleiro, encabezou o nutrido grupo de autoridades civís, militares e eclesiásticas entre os que destacaron o presidente do Parlamento de Galicia, Miguel Santalices; o presidente da Deputación de Pontevedra, Luís López; o conselleiro de Cultura, Lingua e Xuventude, José Campos; o director de Turismo de Galicia, Xosé Manuel Merelles; e o subdelegado do goberno, Abel Losada e o presidente da Cámara de Valença, José Carpinteira.
A catedral de Santa María de Tui, a única na provincia de Pontevedra, sede da Diocese de Tui-Vigo e símbolo pétreo da cidade tudense, cumpriu 800 anos desde a súa consagración a cargo do bispo Esteban Egea en 1225.