• Segue conectado
  • |

Vida ou morte.

Non falo só de Galiza, nin da súa lingua, historia e cultura ancestrais, falo da natureza e do planeta, das clases pupulares e da humanidade en xeral: de todos os seus pobos, de todas as nacións e de todas as razas. A vida implica amor e defensa do propio (que non debería ser necesaria nun Estado que se di democrático nin nunha orde mundial que se di xusta e respectuosa cos débiles). A vida implica respecto pola natureza e polos animais, pola diversidade cultural e lingüística, polo respecto da identidade sexual e da sexualidade. Concebida non como opresión, espolio ou explotación, senón como goce libre e compartido e aproveitamento sustentábel. Querer vivir en armonía coa natureza, cos animais e coa humanidade. Querer ser útil ao teu país e á vida que temos en común. Respectar ao adversario e deixarlle unha saída airosa e non querer aniquilalo e sometelo á servidume ou á humillación. Defenderse pacificamente e, se é preciso, incluso coas armas na man. Defender a igualdade de todo ser humano e negarse a oprimir e a ser oprimido. Ser crítico e rebelde se é preciso, pero cunha rebeldía comedida e respectuosa, na medida do posíbel. Negarse a ser escravo e non renunciar a ningún dos nosos dereitos individuais e colectivos. Porén exercitar a paciencia e non facer máis dano do estritamente necesario, estando sempre dispostos ao diálogo, á negociación e ao compromiso. En 1936 o pobo galego expresouse abrumadoramente a favor do seu primeiro Estatuto de Autonomía. Porén a barbarie fascista encheunos de sangue e de horror. Despois veu a represión lingüística e cultural e a asimilación forzada, a imposición do nacional-catolicismo; a humillación e a escravitude cunhas cadeas non sempre visibéis. Podedes estar seguros de que algúns aprendimos a lección. Aprendimos -e sufrimos- moito en todos estes anos de franquismo aberto ou camuflado. E a conclusión que eu tiro -sen deixar a un lado a solidariedade- é que só Galiza salvará a Galiza. Viva Galiza ceibe e popular!

Publicado o 18 Ago 2018.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies