• Segue conectado
  • |

Sorteo dos postos de venta ambulante en Ponteareas

Segundo a Ordenanza Municipal reguladora desta actividade, cando as solicitudes superen o número de postos vacantes, como é o caso, a adxudicación realizarase mediante sorteo público.

Ponteareas | Coa publicación no Boletín Oficial da Provincia, a Concellería de Comercio do Concello de Ponteareas, que xestiona Inés Vidal, inicia o proceso da adxudicación, mediante sorteo público, para a instalación de postos no mercado de venda ambulante de Ponteareas.

Con este trámite, a Concellería da cumprimento á modificación realizada na Ordenanza Municipal Reguladora da Venda Ambulante, na que se sinala que “cando as solicitudes superen o número de postos vacantes, a adxudicación realizarase mediante sorteo público”. Os interesados e interesadas en optar a calquera destes postos, terán un prazo dun mes, a contar dende o día 3 de marzo, para presentar as correspondentes solicitudes.

 

Tal e como especifican as bases, autorización para o exercicio da venda ambulante terá unha duración limitada e será persoal e transferible, previa comunicación ao concello, polo tempo que reste ata a finalización do prazo a outras persoas, físicas ou xurídicas, que cumpran os debidos requisitos.

Para poder optar a un dos postos, os ou as solicitantes deberán posuír a condición de comerciantes segundo a lexislación mercantil e cumprir os requisitos que establecen as bases, colgadas na web do concello ou directamente no CDL (Ribadetea)

Os postos a sorteo serán un total de 30 distribuídos entre as rúas Constitución, Morales Hidalgo, Plaza Maior e Plaza Bugallal, en canto ao número de postos aos que poden optar interesados e interesadas, as bases especifican claramente que as persoas física so poderán optar a un posto, mentres que as cooperativas poderán solicitar ata dous postos ás que estean compostas por un máximo de 10 socios, e ata catro postos as que conten entre 10 e 20 socios.

O sorteo dos postos terá lugar o vindeiro 20 de Abril, seguindo todos os prazos establecidos e Será un sorteo público, como sinala a concelleira Inés Vida, “público e aberto a todos os interesados e interesadas” que se desenvolverá ás 12 horas na Casa do Concello. Previa a inscripción que estará aberta ata o dia 03 de Abril, data límite para a súa solicitude.

Inés Vidal salientaba a importancia de que estes procesos “desenvólvanse de xeito totalmente transparente, de cara a garantir, non só o proceso de adxudicación en si mesmo, senón, posteriormente, o normal desenvolvemento da actividade”.

Publicado o 16 Mar 2017 en Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies