• Segue conectado
  • |

Seguridade Cidadá da Coruña participa nun congreso de seguridade e prevención en Ecuador

O director deste área, Carlos García Touriñán, impartiu na cidade de Guayaquil unha conferencia sobre a coordinación de emerxencias en grandes eventos

A Coruña | O director de Seguridade Cidadá do Concello da Coruña, Carlos García Touriñán, participa no VI Congreso Internacional OBA – Fundación MAPFRE. Seguridade Viaria e Prevención de Accidentes, organizado de
forma conxunta pola Organización de Bombeiros Americanos (OBA), a Fundación MAPFRE e o Benemérito Corpo de Bombeiros de Guayaquil. O evento comezou onte na cidade de Guayaquil, Ecuador, e remata hoxe.

Touriñán impartiu onte unha conferencia sobre a coordinación de emerxencias en grandes eventos e levou á cidade ecuatoriana toda a experiencia acumulada na súa longa traxectoria profesional no concello herculino. A charla enmarcouse nunha xornada enfocada na preparación, prevención e resposta ás emerxencias.

A xornada de hoxe está dedicada ao eixo da seguridade viaria e prevención de accidentes en ruta e mostraranse investigacións recentes sobre como actuar en situacións de emerxencia relacionadas co rescate vehicular e coa súa prevención.

Este importante evento internacional está dirixido a bombeiros, dirixentes, persoal funcionario estatal, representantes de organizacións sen fins de lucro, profesionais e especialistas da seguridade e outras persoas interesadas na temática.

Publicado o 9 Out 2019 en A Coruña, Portada, Seguridade Cidadá.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies