• Segue conectado
  • |

Santiago e outras sete cidades do Estado rexeitan o proxecto de lei estatal sobre pobreza enérxetica

A concelleira de Políticas Sociais, Diversidade e Saúde, Concha Fernández, asistiu en Barcelona a un encontro con outras cidades do Estado para reclamar un novo modelo para combater a pobreza enerxética.

7 cidades contra a pobreza enerxética

Santiago de Compostela | Concha Fernández estivo acompañada dos seus homólogos e homólogas de Madrid, Barcelona, Cádiz, Valencia, Zaragoza, A Coruña e Córdoba. As oito cidades presentaron as súas alegacións ao proxecto de lei estatal sobre a pobreza enerxética que, entre outras cuestións, regula o bono social e o concepto de consumidor vulnerable.

Entenden estes concellos que a actual regulación está máis centrada na protección das compañías eléctricas que na das familias máis vulnerables ou con maior risco de exclusión social e non evita os cortes de subministro eléctrico. Así, demandaron en Barcelona un cambio da regulación estatal e do modelo enerxético que coloque como protagonistas ás familias e as persoas.

Por este motivo, concelleiras e concelleiros de Barcelona, Madrid, Cádiz, Córdoba, Zaragoza, Valencia e Santiago presentaron conxuntamente un documento de alegacións en liña coas demandas realizadas por expertos, ONGs e colectivos sociais.

Segundo Concha Fernández, co proxecto do Goberno central “serán as grandes distribuidoras eléctricas as que determinarán a condición e grao de vulnerabilidade dos seus clientes para aplicar bonificacións mínimas.”

Publicado o 26 Mai 2017 en Economía, Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies