• Segue conectado
  • |

A Praza de Abastos de A Guarda «vístese» de Nadal grazas ao traballo dos praceiros

A Guarda | O Concello da Guarda promoveu dende mediados de novembro un obradoiro de Nadal orientado á decoración da Praza de Abastos por parte dos propietarios dos establecementos, co obxectivo de ofrecer unha sinal de identidade propia do mercado guardés e favorecer a colaboración e o traballo en común.

O taller, coordinado por Informática San Benito, constou de cinco sesións formativas guiadas pola docente Patricia Maquieira, nas que participaron boa parte dos praceiros e praceiras guardesas. Así, as persoas participantes dedicaron un total de 8 horas á planificación e elaboración de diversos obxectos de decoración centrados na temática propia do Nadal, namentres durante a mañá do martes, 5 de decembro, procederon á colocación dos deseños para goce dos veciños e veciñas.

Guirnaldas, árbores e mesmo un photocall, entre moitos outros obxectos decorativos, poden verse e desfrutarse dende onte e ata o remate do Nadal, alegrando os postos e os espazos comúns da Praza de Abastos da Guarda.

Publicado o 7 Dec 2017 en A Guarda, Economía.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies