• Segue conectado
  • |

PP Ponteareas denuncia a falta de información sobre as contratacións do concello

Ponteareas/PP | No Pleno ordinario do mes de abril se debateu entre outras unha Moción do Partido Popular na que se solicitaba crear unha Comisión de Seguimento para que o Alcalde e o Concelleiro de Facenda nos faciliten ós grupos da oposición información e datos relativos as diferentes contratacións externas que veñen efectuando no Concello dende fai meses e que non existían ata agora.

Dende o grupo municipal do PP vímonos na obriga de solicitar que se cree esta Comisión para que dunha vez por todas o Alcalde nos facilite a información que nos nega dende fai meses, e que a pesar de serlle solicitada por escrito en diversas ocasións e a pesares de ter dereito por Lei á mesma non nos da.

contratacións

 

O Alcalde xunto co resto do Goberno votaron en contra da creación desta Comisión de Seguimento, xustificando o Sr Alcalde que todo estaba a nosa disposición e que estábamos dificultando e entorpecendo o traballo dos funcionarios con esta petición, cando isto non é así, pois neste caso os datos que se piden saen directamente da contabilidade sen necesidade de facer ningún tipo de informe técnico, e calquera traballador do departamento da intervención podería imprimir os mesmos en poucos minutos, o que pasa que non hai vontade de facilitar esta información os concelleiros da oposición e o Alcalde busca calquera desculpa.

Coa postura adoptada en contra, unha vez mais quedou en evidencia un Alcalde e un Goberno que practican o ocultismo e que están lonxe de ser “transparentes”, a pesares que din estar a favor da participación cidadá, todo é mentira e unha “pantalla”, pois a quen primeiro deberían ofrecer a información é os grupos que están na oposición para que poidan facer o seu traballo de control e fiscalización, tal e como fixa a Lei, e neste caso non facilitan o que se lles solicita e non contan coa nosa opinión nin participación para nada.

Finalmente a constitución da Comisión de Seguimento saiu adiante cos votos da oposición, e o Alcalde ten a obriga de convocala nos próximos 15 días. Nesta Comisión de Seguimento o Goberno deberá facilitar a todos os grupos da oposición datos das empresas coas que están contratando servizos que antes non existían, como elaboración de estudos, plans de dinamización comercial, asesoramento xurídico-administrativo, mantemento eléctrico, desbroces, mantemento de colexios, limpeza, programación cultural, parques e o mantemento das estradas da rede viaria municipal, entre outros. Todo isto co fin de analizar e dictaminar nesa Comisión se esta é a mellor xestión para o noso Concello, tamén se estes contratos se están facendo correctamente e cumpren coa publicidade necesaria para que oferte calquera empresa e si este Concello, que non ten cartos segundo o Goberno, pode asumir os custes de contratar externamente todos estes servizos.

Publicado o 24 Abr 2017 en Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies