• Segue conectado
  • |

Ponteareas presenta o plan de dinamización comercial

 

Ponteareas | O Concello de Ponteares ven de presentar o plan de dinamización para revitalizar o comercio e hostalería local, documento elaborado nos últimos meses pola consultoría Nortec, especializada neste tipo de estudios. O plan foi presentado polo alcalde, Xosé Represas, a nova concelleira de comercio, Inés Vidal, a primeira tenente de alcalde, María Jesús Garrote e o responsábel técnico da empresa, Pedro Almendros, no día de hoxe aos medios. Anteriormente, o mércores xa fora presentado aos representantes das asociacions de comerciantes, hosteleiros e da praza de abastos d coa presencia de Pedro Almendros, responsable técnico do plan
O estudio realizou unha análise da situación actual do conxunto de comercio e a hostalería do núcleo urbano, especialmente dos principais eixos comerciais co obxectivo de realizar un diagnóstico dos principais aspectos que inciden na súa competitividade.
O Plan, que contempla actuacións ata 2019, está estructurado en 6 liñas estratéxicas: Accesibilidade, movilidade e entorno físico do espazo urbano comercial, Colaboración Público-Privada e Cooperación empresarial, Potenciación do centro da cidade como Centro Comercial Aberto competitivo, Modernización e profesionalización con apoio a comercio, hostalería e servizos, Potenciar a integración de e a promoción de zonas como avenida Castelao e por último Promoción do Comercio e a Hostalería Local, e mellora da súa imaxe.
Estas liñas estratéxicas desenvolvense en ata 50 accións concretas, moitas delas responsabilidade directa do Concello como mellorar o espazo público ou o apoio técnico e económico, outras son de competencia do propio sector. Inés Vidal cualificou de ambicioso o Plan e manifestou que “os representantes das catro asociacións valoraron positivamente a iniciativa municipal e mostraron o seu interese en analizar o documento para por en marcha o mesmo a curto prazo”
Unha das medidas novidosas é a proposta de crear unha Federación ou plataforma do comercio e hostalería, “unha medida necesaria para unir a todo o comercio, tamén aos que non están en ningunha asociacion, e para lograr un maior impacto na promoción comercial de Ponteareas”, recalcou o Alcalde
O Plan contempla medidas sobre aparcamentos, sinalización urbana, acondicionamento dos principais eixos comerciais, accións de promoción de ventas e fidelización da clientela, etc. As asociacións teñen agora un tempo para analizar o documento antes de volver a manter unha reunión de traballo co goberno sobre as medidas máis inmediatas contempladas no Plan. Este documento tamén será presentado con todo detalle nunha reunión aberta a todo o sector.

Publicado o 23 Xan 2017 en Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies