• Segue conectado
  • |

Ponteareas presenta o orzamento máis alto da súa historia

O Alcalde Xosé Represas destaca o incremento da partida no gasto social, a incorporación de 150.000€ para traídas de Augas e conxelación de taxas

Ponteareas | O goberno de Ponteareas, presidido por Xosé Represas, presentou na comisión de Facenda, celebrada este xoves, o orzamento máis alto da historia de Ponteareas que suma un total de 16.936.298,83€.
“Estes orzamentos marcan un antes e un despois na historia económica do concello, consolidan a liña de actuación marcada hai tres anos, tempo no que rematamos coas débedas millonarias arrastradas durante décadas por gobernos da dereita e situamos nestes anos a Ponteareas en condicións de afrontar novos retos con todas as garantías”, manifestou o Alcalde.

Os investimentos xa incorporados nos orzamentos suman un total de 3.045.067,61€ e son financiados fundamentalmente coa subvención de fondos europeos da estratexia “Ponteareas, Hábitat Saudable”.
Entre os investimentos máis destacados, o Alcalde remarcou a relevancia que se lle da a priorizar o gasto social que suma un total de 2.692.784,62€ nas diferentes liñas cos servizos socias, a residencia de maiores, a axuda no fogar, o centro Asprodico ou a escola infantil entre as prioridades. O gobernou volveu incrementar a partida para as axudas de emerxencia social que subirá ata os 120.000 euros, cifra que multiplica a destinada no ano 2014, último ano de goberno do PP.
Outra das partidas económicas creadas polo actual goberno de Ponteareas para apoiar ás familias con menos ingresos é a das axudas para libros e material escolar que por importe de 21.000 euros sirve de apoio económico a máis de 200 familias.

Pola súa parte, Educación e Cultura suman un total de 2.305.070,96 euros que se investirán no Conservatorio, centros educativos, biblioteca, auditorio e as actividades festivas e culturais. Outra das partidas de gasto corrente máis relevante; o servizo de limpeza viaria, recollida do lixo e tratamento en SOGAMA, suma un total de 1.650.000 euros.

Outra das novidades é a incorporación dunha partida de 150.000 euros para traídas veciñais de augas. Este liña de axudas ten como finalidade subvencionar as obras prioritarias de novas captacións e depósitos ás comunidades veciñais que sufriron en maior medida as consecuncias da seca no verán e outono pasado.

Entre outras medidas que recolle este documento está a conxelación de taxas e impostos con rebaixas relevantes como a do imposto de construcións e reformas. “Son uns orzamentos que garanten a estabilidade econónica municipal e sitúan ao Concello de Ponteareas na mellor situación da súa história para afrontar os grandes retos de investimentos que ten pendente Ponteareas e que a partir xa deste ano pode acometer con garantía e solvencia económica”.

Entre os acordos ligados aos orzamentos e tendo en conta acordos plenarios e aportacións de Esquerda Unida, ao borrador achegado con antelación a todos os grupos da oposición, figura a previsión de financiación do incremento salarial dos traballadores municipais, pendente de concretar xa que a negociación aínda está aberta, incrememto que se financiará contra a partida de vacantes de persoal sen incrementar o gasto por este concepto.

Outro dos acordos é a previsión de amortización de licencias de taxi que contará cunha previsión de 36.308,50€, partida que se financiará tamén a cargo das prazas vacantes de persoal.

Contémplanse incrementos do 25% para as axudas para Casas Culturais e clubes deportivos que pasan dos 80.000 euros a 100,000 euros a suma das dúas liñas de axudas. ,” matizou o Alcalde de Ponteareas.

Represas destacou que “o orzamento permitirá facer investimentos imprescindibles e que tamén recolle o saneamento das contas municipais na que figuran as últimas partidas destinadas a pagar sentenzas e débedas atrasadas”. En 2018 destinarase máis de 500.000 euros ao pago de sentenzas xudiciais por débedas e préstamos.

Publicado o 16 Xul 2018 en Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies