• Segue conectado
  • |

PONTE…NAS ONDAS! Boa práctica de xestión cultural en Galicia

No ano europeo do patrimonio cultural

A Asociación Galega de Profesionais da Xestión Cultural de Galicia vén de escoller e a experiencia de Ponte…nas ondas! como unha das 100 mellores prácticas de xestión cultural. Un recoñecemento que chega cando se van cumprir 23 anos de actividades da asociación e xusto no Ano Europeo do
Patrimonio Cultural.

ACTIVIDADES DO ANO EUROPEO DO PATRIMONIO CULTURAL

DÍA MUNDIAL DA RADIO. Ponte…nas ondas! súmase ás celebracións que propón a UNESCO para o 13 de febreiro e convida ás escolas da Eurorrexión a realizar podcasts arredor da temática desta edición, a
radio e o deporte. Os traballos das escolas serán publicados no portal audiovisual “ ESCOLAS NAS ONDAS “ ( www.escolasnasondas.com ) inaugurado na pasada edición polo reitor da Universidade de Vigo.
Ademais, ao coincidir o 13 de febreiro co Entroido, Ponte…nas ondas! realizará unha emisión especial en directo o día 21 de febreiro desde o IES de Breamo en Pontedeume e a Radio Afifense en Caminha.

CERTAME “ AS IMAXES DO PATRIMONIO “, destinado aos centros educativos e aberto a asociacións e entidades da Eurorexión. O Certame convida á recolla de fotografías en branco e negro que teñan
relación com algún dos ámbitos do patrimonio cultural (oralidade, saberes tradicionais, ciclo festivo anual, cultura agromarítima, etc. ) e presentaranse dixitalizadas a través do portal ESCOLAS NAS ONDAS ( www.escolasnasondas.com ).
Ponte…nas ondas! pretende, con esta iniciativa, que se recuperen e difundan fotografías antigas con valor patrimonial para que poidan ser usadas no ámbito escolar e seren coñecidas polo público en xeral. Para esta actividade será imprescindible a colaboración das familias do alumnado, así como, do
profesorado dos centros educativos.

ENCONTRO DE XOGOS TRADICIONAIS GALEGO-PORTUGUESES
Encontro aberto ás escolas galegas e portuguesas que se celebrará no concello de Melgaço no mes de maio e que ten como finalidade a transmisión do património lúdico ás novas xeracións.

+ info: tf.615 02 98 40

www.pontenasondas.org

www.escolasnasondas.com

www.opatrimonio.org

https://www.facebook.com/pontenasondas

Publicado o 30 Xan 2018 en Aldea Global, Cultura, Portada, Xuventude.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies