• Segue conectado
  • |

Participa no voluntariado municipal e mellora a túa cidade e o teu currículo

A concellería de Benestar Social e Mocidade de Ponteareas abre o prazo de inscrición para participar nas actividades de Voltea

Ponteareas | A concellería de Benestar Social, Igualdade e Mocidade, que dirixe Verónica Carrera, informa á veciñanza de que xa está aberto o prazo de inscrición para formar parte de Voltea (Voluntariado Municipal) e poder desfrutar de todas as actividades que organizan e que comezan no mes de xullo.

Prantas aromáticas, deseño de roteiros, formación en educación ambiental e interpretación, mediadores xuvenís, paseo de Jane, compostaxe, conservación dos ríos, eliminación de plantas invasoras e un longo etc de formación que completa o curriculum de todos e todas as que teñan entre 16 e 30 anos de idade coa acreditación das horas para o currículo e créditos universitarios.

Os e as interesadas deben inscribirse no centro social no primeiro andar de 09:30 a 13:30 horas, no enderezo electrónico voluntariado@ponteareas.gal ou no teléfono 673 794 760.

Verónica Carrera convida a toda a mocidade a aproveitar estas actividades lúdica e formativas que redundan no benestar de toda a veciñanza e na mellora da nosa cidade.

Publicado o 28 Xuñ 2018 en Ponteareas, Universidade.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies