• Segue conectado
  • |

O Xulgado autoriza o pago a provedores bloqueado polos grupos da oposición de Salceda

Salceda de Caselas |  O Xulgado Contencioso Administrativo Nº3 de Pontevedra ven de homologar o acordo transaccional acadado entre o Concello de Salceda de Caselas e a Asociación de Provedores, que vai permitir o pagamento dos 309.554,89 € bloqueado ata o de agora polos grupos da oposición de Salceda (PP e PSOE).

A Asociación de Provedores/as do Concello de Salceda de Caselas, logo da negativa de PP e PSOE para aprobar as súas facturas ata en dúas ocasións, tivo que presentar un recurso contencioso administrativo reclamando o cobro das súas débedas o pasado 10 de abril. O 15 de maio chegábase a un acordo transaccional entre o Concello e a Asociación de Provedores, para que o pagamento do adebedado puidese facerse canto antes, presentando dito acordo ante o Xulgado o 16 de maio. Tan só uns días despois, o 21 de maio, a xuíza encargada do caso emitiu a homologación do acordo transaccional, autorizando ao Concello para realizar o pago das facturas pendentes. Ponse así fin a un longo camiño de bloqueos por parte dos grupos da oposición (PP e PSOE), que viñan impedindo cos seus votos que os provedores e provedoras puidesen cobrar polos traballos xa realizados, tal como acontecera xa no ano 2016. O acordo entre as partes vai supoñer o aforro dos xuros de demora e as custas xudiciais.

Dende o Equipo de Goberno de Salceda (Movemento Salceda) lamentan que a cuestión tivese que rematar por vía xudicial unha vez máis “polo afán de bloqueo da acción de Goberno por parte de PP e PSOE” Así mesmo, agradeceron a confianza dos provedores e provedoras “a pesar da actitude irresponsable do PP e o PSOE” . O Alcalde, Marcos Besada, manifestou que “PP e PSOE queren gobernar o Concello dende a oposición e basean a súa laboura de oposición na acción de bloqueo ao Goberno. O que fixeron cos provedores e provedoras do Concello por segunda vez foi verdadeiramente surrealista, impedíndolles cobrar polos traballos realizados, e empregándoos como chantaxe ante o Equipo de Goberno. A Xustiza, unha vez máis, avalou a reclamación dos preovedores e provedoras, como non podía ser doutro xeito”.

Publicado o 10 Xuñ 2018 en Salceda.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies