• Segue conectado
  • |

O PSOE valora positivamente que a plataforma siga o seu camiño sen os partidos políticos

Ponteareas/PSdeG | O Partido Socialista valora positivamente que a Plataforma de Afectados Pola N-120 siga o seu camiño como vehículo veciñal sen a integración dos partidos políticos.

Ante isto, a candidata á alcaldía Chus Garrote manifestou que o PSdeG-PSOE sae reforzado como instrumento veciñal para a execución da circunvalación e das obras de seguridade na N-120 neste 2019. Chus Garrote “O meu compromiso como veciña e como representante política coa plataforma é inquebrantable”.

Para os socialistas de Ponteareas o PP e Belén Villar están nunha situación crítica pois non chegaron a realizar nada do que prometeron na campaña do 2015; nin no 2016 se redactou o proxecto con Feijóo e Rajoy e no 2019 a circunvalación non foi realizada. Como contrapunto, engaden, o PSOE presentou un anteproxecto e iniciou o proceso de licitación das empresas redactoras dos proxectos finais para a súa execución o que demostra “quen está por prometer e quen por facer”.

Neste senso Garrote afirma comprender o anelo dos veciños despois de anos de abandono do Partido Popular desde os gobernos da Xunta e de España e denuncia que a dereita sempre tratou por todos os medios dividir á veciñanza con fins electoralistas . “A miña forma de entender a política é desde a unidade e cos veciños, voten a quen voten” manifesta a socialista.

Por outro lado, os socialistas de Ponteareas sinalan que só con Pedro Sánchez como Presidente do Goberno Ponteareas terá as oportunidades que xamais tivo con Rajoy e Feijóo. “Unha clara demostración do compromiso do PSOE con Ponteareas é o anteproxecto presentado polo Ministerio de Fomento despois de anos de inacción do Partido Popular”. Declara Chus Garrote.

 

Publicado o 2 Abr 2019 en Política, Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies