• Segue conectado
  • |

O PP Ponteareas considera excesivo o gasto no alumeado de Nadal

Ponteareas/PP | Dende o Grupo Municipal do Partido Popular de Ponteareas manifestamos o noso rotundo respaldo ao engalanamento da vila para as festas de Nadal, que xunto coas actividades culturais promovidas maiormente polos colectivos da vila, axudan e apoian as vendas do comercio local, nunhas datas consideradas de maior consumo do ano. A pesar de que os actos promovidos neste Nadal polo Concello poden ser cualificados de pobres, de falta de iniciativa e cunha total desorganización, como foi o caso da Cabalgata de Reis, con tres míseras carrozas e mal organizada; o único destacable era a insegura rapañota de caramelos que lanzaban as súas maxestades, para iso se puido aforrar unha chea de cartos que valeu o aluguer das carrozas e empregar unicamente os vehículos municipais para repartir os caramelos entre os cativos asistentes.

O que nos segue a resultar curioso, afirma o portavoz do PP, é o cambio de criterio dos grupos políticos que conforman o goberno de cando estaban na oposición, onde insistían que non era preciso gastar tanto en alumeado de Nadal e que había que destinar parte deses cartos á emerxencia social e a paliar as carencias dos máis necesitados. Chegaron, e co incremento de 30.000 euros máis para emerxencia social, parece ser que xa solucionaron todos os problemas dos máis necesitados. O certo é que só en alumeados, este de Nadal, o das festas de setembro e do Corpus Christi gastaron preto dos 60.000 euros.

Este goberno de Ponteareas, como xa nos van tendo acostumados, segue coa mesma tónica, pregoan a transparencia e a participación e despois esconden a realidade e os datos, chegan ata tal punto que, que nos saibamos, a dividir en dúas facturas o custe total da iluminación de Nadal (7.199,50€ e 15.999,83), al igual que fixeron no Corpus coas facturas da orquestra Panorama.

En definitiva, este segue a ser o goberno da contradición, fan o contrario do que criticaban cando estaban na oposición.

Publicado o 20 Xan 2017 en Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies