• Segue conectado
  • |

O Goberno de Santiago volverá render contas na segunda quenda dos “Encontros ao vivo”

O Goberno local vai retomar no mes de xuño os Encontros ao vivo, os actos deseñados para que o alcalde e os concelleiros e concelleiras rendan contas en contacto directo coa veciñanza. Ao longo dos próximos meses celebraranse nove xuntanzas polos distintos barrios da cidade.

Santiago de Compostela | Os Encontros ao vivo naceron co obxectivo de completar os procesos de participación cidadá impulsados desde o Concello. Nas xuntanzas participan o alcalde e todos os concelleiros e concelleiras do Goberno, que escoitan as demandas e opinións da veciñanza, dan conta do traballo que se ven desenvolvendo no ámbito xeográfico concreto, e explican os motivos polos que non se teña atendido algunha demanda. Os encontros están dirixidos por profesionais da mediación, que garanten que todos os asistentes teñan a oportunidade de falar, miden tempos e favorecen a diversidade das achegas.

Nos nove Ao vivo celebrados na primeira quenda dos encontros participaron preto de 900 veciños e veciñas.

Nove xuntanzas na zona urbana

O calendario dos Encontros ao vivo arrincará o 8 de xuño cunha xuntanza cos veciños e veciñas de San Pedro e da Almáciga no Centro Xove de Creación Cultural. Os actos comezarán ás 19:30 horas.

No mes de xullo, os Ao vivo chegarán a Salgueiriños, en concreto á Casa das Asociacións de Benestar Social. Á volta do verán está prevista a celebración de xuntanzas no Centro Cívico de Vista Alegre-Romaño, O Ensanche, Fontiñas, Cidade Vella, Pontepedriña, Vite e Sar. Para as parroquias, desta vez deseñouse un formato propio, o Rural ao vivo, que se desenvolverá paralelamente a partir dos meses de outono.

Publicado o 31 Mai 2018 en Política, Portada, Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies